మ్యూజికల్ నైట్ కు కోడ్ వర్తించదా

మాజీ ముఖ్యమంత్రులకు భద్రత కల్పించడంలో చట్టం తన పని తాను చేసుకునేలా చేయాలన్నారు. కానీ కూటమి ప్రభుత్వం దానికి భిన్నంగా వ్యవహరిస్తోందన్నారు. జగన్‌కు భద్రత కల్పించక పోవడంలో కూటమి ప్రభుత్వం, సీఎం చంద్రబాబు దురుద్దేశాలు తమకు తెలుసన్నారు. జగన్‌ను ఇబ్బంది పెట్టాలనేదే కూటమి ప్రభుత్వం లక్ష్యమన్నారు. వైఎస్‌ఆర్‌ కాంగ్రెస్‌ ప్రభుత్వ హయాంలో భద్రత తగ్గించామా? అంటూ కూటమి ప్రభుత్వాన్ని నిలదీశారు. గుంటూరు–కృష్ణా పట్టభద్రుల ఎమ్మెల్సీ ఎన్నిల నేపథ్యంలో ఎన్నికల కోడ్, కేసుల గురించి కూడా బొత్స సత్యనారాయణ మాట్లాడారు.

ఎన్నికల కోడ్‌ వల్లే జగన్‌కు భద్రత కల్పించలేక పోయామన్న ప్రభుత్వ వాదనను ఆయన తప్పుబట్టారు. జడ్‌ప్లస్‌ కేటగిరీ ఉన్న మాజీ సీఎం జగన్‌ భద్రత ఎన్నికల కోడ్‌కు సంబంధం లేదన్నారు. విజయవాడ ఇందిరా గాంధీ మున్సిపల్‌ స్టేడియంలో జరిగిన మ్యూజికల్‌ నైట్‌కు ఎన్నికల కోడ్‌ వర్తించదా? అని ప్రశ్నించారు. ఇదిలా ఉంటే.. బుధవారం చేపట్టిన గుంటూరు పర్యటనలో జగన్‌ స్వయంగా తన భద్రత గురించి ప్రస్తావించారు. కూటమి ప్రభుత్వం కావాలనే తనకు భద్రత కల్పించ లేదని ధ్వజమెత్తారు. మరో వైపు జగన్‌తో పాటు మరో ఏడుగురు మాజీ మంత్రులు, వైఎస్‌ఆర్‌సీపీ నేతల మీద ఎన్నికల కోడ్‌ ఉల్లంఘించారని కేసులు నమోదైన నేపథ్యంలో జగన్‌కు భద్రతను కల్పించాలని వైఎస్‌ఆర్‌ కాంగ్రెస్‌ పార్టీ నేతలు గవర్నర్‌ను కలవడం ప్రాధాన్యతను సంతరించుకుంది.