ఇక్కడాయన అక్కడ... అక్కడాయన ఇక్కడ...
తెలంగాణ బిజెపి నాయకుడు త్రిపురకు గవర్నర్, త్రిపుర బిజెపి నాయకుడు తెలంగాణకు గవర్నర్, ఇటువారు అటు, అటు వారు ఇటు రావడం విశేషం.
ఎన్‌డిఎ కూటమి రాష్ట్రాలకు బిజెపి సీనియర్‌ నాయకులను గవర్నర్లుగా నియమిస్తోంది. తెలంగాణకు చెందిన బీజెపి సీనియర్‌ నాయుడిని త్రిపుర గవర్నర్‌గా నియమిస్తే త్రిపురకు చెందిన బిజెపి సీనియర్‌ నాయకుడిని తెలంగాణకు గవర్నర్‌గా నియమించారు. రాజకీయాల్లో వీరు ఇద్దరూ ఉద్దండులే. మూడు సార్లు ఎమ్మెల్యేగా గెలిచిన వారు ఒకరైతే మరొకరు డిప్యూటీ సీఎంగా పనిచేసిన వారు. అంటే వీరికి పదవిలోకి రాకముందే గవర్నర్ వ్యవహరించాల్సిన తీరు, రాజ్యాంగ రక్షణ కోసం గవర్నర్ తీసుకోవాల్సిన చర్యల గురించి తెలిసే ఉంటుంది. నిజానికి గవర్నర్ పదవి అనేది రాజకీయాలకు అతీతులుగా ఉండే వ్యక్తులకు ఇవ్వాలి. కానీ బిజెపి వారు తమ పార్టీలో సీనియర్లను ఎంపిక చేసి గవర్నర్లుగా నియమిస్తున్నారు. విచిత్రమేమిటంటే తెలంగాణ గవర్నర్‌గా గతంలో విధులు నిర్వహించిన తమిళసై పదవికి రాజీనామా చేసి తమిళనాడు నుంచి పార్లమెంట్‌కు పోటీ కూడా చేశారు.