కళంకితలకు టీటీడీలో స్థానమా? ఐదు ప్రశ్నలు సంధించిన జడ శ్రావణ్

రాజకీయ నేతలతో టీటీడీని పునరావసరంగా మార్చివేశారు. ధర్మకర్తలి సభ్యుల నియామకం పేరుతో జంబో జట్టు ప్రకటించారని జై భీమ్ పార్టీ వ్యవస్థాపక అధ్యక్షుడు, జడ శ్రవణ్ కుమార్ విమర్శించారు. రాష్ట్ర ప్రభుత్వం ప్రకటించిన సభ్యుల్లో నేరారోపణలు ఎదుర్కొంటున్న వారు. శిక్షలకు గురైన కళంకితులే ఉన్నారని, వారిలో ఆధ్యాత్మిక కలిగిన వారు లేరని జడ శ్రావణ్ కుమార్ అన్నారు. విజయవాడలో శుక్రవారం ఆయన మీడియాతో మాట్లాడుతూ రాష్ట్ర ప్రభుత్వానికి ఐదు ప్రశ్నలు సంధించారు.

"టీటీడీ పాలకమండలి ఏర్పాటుపై వైసీపీ ప్రభుత్వంపై విమర్శలు చేసిన టీడీపీ ఇప్పుడు ప్రకటించిన జాబితా ఏ స్థాయిలో ఉందనేది సమాధానం చెప్పాలి" అని జడ శ్రవణ్ కుమార్ డిమాండ్ చేశారు. మంత్రి పదవులు దక్కని వారికి, ఎమ్మెల్యే టికెట్లు ఇవ్వలేని వారిని టీటీడీలో పాలకమండలి సభ్యులుగా ఎంపిక చేసి, పునరావాసం కల్పించినట్లే ఉందని ఆయన విమర్శించారు. తిరుమల తిరుపతి దేవస్థానం పాలకమండలి 24 మంది సభ్యుల్లో ఆధ్యాత్మికత ఉన్నవాళ్లు, శ్రీవారి ప్రాముఖ్యతను కాపాడే వాళ్లు ఎవరున్నారన్నారో చెప్పాలని సీఎం ఎన్. చంద్రబాబు, డిప్యూటీ సీఎం పవన్ కళ్యాణ్ ను నిలదీశారు.