ఏపీ కేబినెట్ కీలక నిర్ణయాలు
సీఎం చంద్రబాబు నాయుడు అధ్యక్షతన గురువారం మంత్రి వర్గ సమావేశం జరిగింది.;
ఆంధ్రప్రదేశ్ కేబినెట్ పలు కీలక నిర్ణయాలు తీసుకుంది. ముఖ్యమంత్రి నారా చంద్రబాబు నాయుడు అధ్యక్షతన గురువారం అమరావతి సచివాలయంలో మంత్రి వర్గ సమావేశం జరిగింది. దీనికి ఉప ముఖ్యమంత్రి పవన్ కల్యాణ్‌తో పాటు మంత్రులు అందరూ హాజరయ్యారు. ఈ సమావేశంలో పలు అంశాల మీద చర్చించిన కేబినెట్ కీలక అంశాలకు సంబంధించిన ప్రతిపాదనలను ఆమోదించింది. ఆంధ్రప్రదేశ్ డ్రోన్‌ కార్పొరేషన్‌ అందులో ముఖ్యమైనది. ఆంధ్రప్రదేశ్ డ్రోన్‌ కార్పొరేషన్‌(ఏపీడీసీ)ను ఆంధ్రప్రదేశ్ స్టేట్‌ ఫైబర్‌నెట్‌ లిమిటెడ్‌(ఏపీఎస్‌ఎఫ్‌ఎల్‌) నుంచి వేరు చేసి స్వతంత్ర సంస్థగా ఏర్పాటు చేసేందుకు సీఎం చంద్రబాబు నాయుడు మంత్రి వర్గం ఆమోదం తెలిపింది. ఇక నుంచి ఆంధ్రప్రదేశ్‌లో డ్రోన్‌ సంబంధిత అంశాలన్నింటికీ ఆంధ్రప్రదేశ్ డ్రోన్‌ కార్పొరేషనే నోడల్‌ ఏజెన్సీగా వ్యవహరించనుంది. ఆ మేరకు కేబినెట్‌లో నిర్ణయం తీసుకున్నారు. వీటితో పాటు స్టార్ హోటళ్లల్లో బార్‌ లైసెన్స్‌ల ఫీజులు వంటి పలు కీలక అంశాలపైన నిర్ణయాలు తీసుకున్నారు.