తుది శ్వాస విడిచే వరకు విలువలు వీడని ‘మానికొండ’

ముఖ్య అతిథిగా హాజరైన సోమిశెట్టి మాట్లాడుతూ సమాజనిర్మాణంలో జర్నలిస్టుల కృషి గొప్పదని, జర్నలిస్టులు లేని రాజకీయాలను ఊహించలేమన్నారు. కల్కూర మాట్లాడుతూ.. నాటి జర్నలిజం గొప్ప సమాజాన్ని నిర్మించిందన్నారు. ఆనాటి తరం జర్నలిస్టులు భారతీయ పత్రికా రంగానికి విశేష కృషి చేశారని అన్నారు. సాహితీ స్రవంతి రాష్ట్ర అధ్యక్షులు కెంగార మోహన్‌ మాట్లాడుతూ ఈ పుస్తకం రూపకల్నన గొప్ప జర్నలిస్టును పరిచయం చేసిందన్నారు. రచయిత కృషిని ప్రతి ఒక్కరూ అభినందించాలని అన్నారు. ఈ పుస్తకం జర్నలిజానికి దిక్సూచి లాంటిదని, నైతికతకు, మానవతకు మారుపేరైన మానికొండ జీవితాన్ని ప్రతి జర్నలిస్టు ఆదర్శంగా తీసుకోవాలన్నారు. ఈ పుస్తకం పరిశోధకులకు మంచి గ్రంధంగా ఉపయోగపడుతుందని అన్నారు. రచయిత రచనా చాతుర్యాన్ని ఆయన మెచ్చుకున్నారు. రచయిత లోతైన విషయాలు చెప్పడం జరిగిందన్నారు.

సీనియర్‌ జర్నలిస్టు బి గోరంట్లప్ప మాట్లాడుతూ నేటితరం గుర్తించుకోవాల్సిన గొప్ప జర్నలిస్టు మానికొండ చలపతిరావు అని అన్నారు. సాహితీ స్రవంతి రాష్ట్ర కార్యదర్శి జంధ్యాల రఘుబాబు మాట్లాడుతూ మానికొండ పుస్తకం జర్నలిజం లోని కొత్తకోణం తెలియజేసిందన్నారు. రచయిత, సీనియర్‌ జర్నలిస్టు ఆకుల అమరయ్య మాట్లాడుతూ వృత్తి పరమైన జీవితంలో ఎన్నో అవకాశాలొచ్చినా వదులుకున్న గొప్ప జర్నలిస్టు మానికొండ చలపతిరావు అని అన్నారు. ఆయన త్యాగం నేటి తరం జర్నలిస్టులకు ఆదర్శమన్నారు. పద్మభూషణ్‌ ఇస్తామన్నా వద్దన్న మహనీయుడు మానికొండ అన్నారు. ఆయన పేరుపై ప్రభుత్వం అవార్డు ప్రవేశపెట్టాలని, లేదంటే అమరావతిలో స్మృతి చిహ్నంగా స్మారక భవనం నిర్మించి అందులో జర్నలిజానికి సంబంధించిన గొప్ప పుస్తకాలు ఉండేలా ప్రభుత్వం చర్యలు తీసుకోవాలని కోరారు. ఈ భవనం నేటి జర్నలిస్టులకు గ్రంధాలయంగా ఉపయోగపడే విధంగా ప్రభుత్వం తీర్చి దిద్దాలని విజ్ఞప్తి చేశారు. సభలో మహమ్మద్‌ మియా పాటలు అలరించాయి. ఈ కార్యక్రమంలో కవులు ఇనాయతుల్లా, విజయులు, అజీజ్, ఆధ్య మెడికల్‌ అధినేత ఏవీ రెడ్డి, పీపీఎస్‌ఎస్‌ నాయకులు ఇరిగినేని పుల్లారెడ్డి పాల్గొన్నారు.