Nara Lokesh Yuvagalam | లోకేష్ కి కొత్త గొంతుకను ఇచ్చిన యువగళం!

నారా లోకేష్ పార్టీని అధికారంలోకి తీసుకుని రావడానికే పాదయాత్ర సాగలేదనే విషయం ఆయన సభల్లో వ్యవహరించిన తీరు స్పష్టం చేస్తుంది. అప్పటి అధికార వైసీపీపై చేసిన వ్యాఖ్యలు ఉత్సాహం నింపినా, సమస్యలపై స్థిరమైన ఆలోచనలు. భవిష్యత్ ప్రణాళికను ఆవిష్కరించడంలో సఫలం అయ్యారు. ప్రజలను ఆకట్టుకోవడంలో కూడా అదే స్థితి కనిపించింది. తద్వారా మాటల్లో తడబాటు. వివిధ అంశాలపై అవగాహన లేదనే విమర్శకులు కూడా "యువగళం పాదయాత్ర లోకేష్ రాజకీయ పరిణితికి మార్గం చూపింది" అనే వ్యాఖ్యలు చేశారు. అందులో ప్రధానంగా అభివృద్ధి కార్యక్రమాలపై "సెల్ఫీ ఛాలెంజ్" ప్రత్యేక ఆకర్షణగా నిలిచింది. ఇందులో అభివృద్ధి పేరిట జరిగిన విధ్వంసం, గతంలో టీడీపీ కాలంలో సాగించిన అభివృద్ధిని ప్రజల ముందు ఉంచడంలో సఫలమైనట్టు అప్పటి పరిస్థితి చెప్పకనే చెప్పింది. దీనికి తోడు భేషజాలు, దర్పం, భద్రత పక్కన ఉంచి, అభిమానులు, పార్టీ నేతలకు ప్రధానంగా యువతకు చేరువకావడానికి సెల్ఫీలు తీసుకునేందుకు ప్రాధాన్యం ఇచ్చారు. ఇదే సమయంలో ఆ ప్రాంతంలోని వైసీపీ ఎమ్మెల్యేలు సాగించిన అవినీతి, దోపిడీని ప్రజల ముందు సాక్షాలతో సహా ఉంచడంలో పార్టీకి మేలు జరిగిందనేది టీడీపీ నేతల అభిప్రాయం. వేధింపులు కేసులకు గురైన వారికి ధైర్యం చెప్పడమే కాదు. వారికి అండగా నిలవడం, అధికారంలోకి వచ్చిన తరువాత కూడా ఆర్థికసాయం అందించడంలో ప్రత్యేక శ్రద్ధ తీసుకుంటున్నారు. "ప్రధానంగా గల్ఫ్ దేశాలకు వెళ్లి ఇక్కట్లు పడుతున్నాం. కాపాడండి" అని కోరిన వారిని ఎన్ఆర్ఐ విభాగం ద్వారా వారిని స్వదేశానికి తీసుకురావడంలో తీసుకుంటున్న శ్రద్ధ ద్వారా నారా లోకేష్ అభిమానాన్ని చూరగొన్నారు. అందుకు నిదర్శనం ఇటీవల కలికిరి, గోదావరి జిల్లాల వారిని కాపాడిన తీరే నిదర్శనం అనేది టీడీపీ నేతల మాట.