యుద్ధాన్నీ చక్కగా ఉపయోగించుకున్న పవన్ కల్యాణ్
యుద్ధం జరిగిన సందర్భాన్ని కూడా జనసేన పార్టీకి అనుకూలంగా మలచుకునేందుకు ప్రయత్నించారా? అవుననే సమాధానాలు వస్తున్నాయి.;
పాకిస్తాన్ విషయంలో భారత్ గొప్ప విజయం సాధించిందని ప్రధాన మంత్రి నరేంద్రమోదీ సోమవారం ప్రకటించారు. ఈ ప్రకటన వెలువడిన తరువాత సైన్యం, కేంద్ర ప్రభుత్వ పెద్దలకు దైవబలం మెండుగా ఉండాలని కోరుతూ జనసేన పార్టీ దేశ వ్యప్తంగా దేవాలయాల్లో పూజలు చేయాలని పవన్ కల్యాణ్ ఆదేశించడం పలువురి దృష్టిని ఆకర్షించింది. ముఖ్యంగా ప్రధాన మంత్రిని ఆకర్షించిందని జనసేన పార్టీలో చర్చ జరుగుతోంది. దేశంలోని షష్టి షణ్ముఖ దేవాలయాల్లో పూజలు చేయాలని పార్టీ నాయకులను పవన్ ఆదేశించారు.
పవన్ కల్యాణ్ ఈ నిర్ణయం వెనుక ఉద్దేశం?
జనసేన పార్టీ అధ్యక్షుడిగా, ఆంధ్రప్రదేశ్ ఉప ముఖ్యమంత్రిగా, పవన్ కల్యాణ్ జాతీయవాద నాయకుడిగా తన ఇమేజ్‌ను బలోపేతం చేసుకోవడానికి ఈ నిర్ణయం తీసుకుని ఉండొచ్చనే చర్చ ప్రజల్లో జరుగుతోంది. భారత సైనికులకు మద్దతుగా, దేశ రక్షణ కోసం పూజలు నిర్వహించడం ద్వారా దేశభక్తి భావనను ప్రజల్లో బలపరిచే ప్రయత్నం కూడా మరొకటి అయి ఉండొచ్చు.
తమిళనాడులోని ఆలయాలను ఎంచుకోవడం ద్వారా దక్షిణ భారత రాష్ట్రాల మధ్య సాంస్కృతిక, ఆధ్యాత్మిక ఐక్యతను సూచించే సందేశం ఇవ్వడానికి ప్రయత్నించారనే చర్చ కూడా ఉంది. ఇది పొరుగు రాష్ట్రమైన తమిళనాడుతో సంబంధాలు మెరుగుపరుచుకునే ఉద్దశ్యం కూడా అయి ఉండొచ్చనే చర్చ మొదలైంది. హిందూ ఆలయాలలో పూజలు నిర్వహించడం ద్వారా, హిందూ ఓటర్ల మనోభావాలను ఆకర్షించే అవకాశం ఉంది.
జనసేన పార్టీ బీజేపీతో కూటమిలో ఉంది కాబట్టి, ఈ చర్య హిందుత్వ ఆధారిత రాజకీయ వ్యూహంలో భాగంగా ఉండవచ్చు. ముఖ్యంగా జాతీయ స్థాయిలో బీజేపీ జాతీయవాద, హిందూ సాంస్కృతిక ఎజెండాతో సమన్వయం చేసే ప్రయత్నంగా కనిపిస్తోందని పలువురు మేధావులు భావిస్తున్నారు. పూజలు రాజకీయంగా, సామాజికంగా చర్చనీయాంశం కావడం ద్వారా పవన్ కల్యాణ్ జనసేన పార్టీపై దృష్టిని ఆకర్షించే అవకాశం ఉంది. ఇది రాజకీయంగా వారి స్థానాన్ని బలోపేతం చేయడానికి ఉపయోగపడుతుంది.
మూడు రాష్ట్రాల్లో...
తమిళనాడులోని తిరుత్తణి, తిరుచెందూరు, పళని, తిరుపరంకుండ్రం, స్వామిమలై, పలముదిరచోళై వంటి షష్టి షణ్ముఖ క్షేత్రాలతో పాటు, కర్ణాటకలోని కుక్కే, ఘాటీ సుబ్రహ్మణ్య ఆలయాలు, ఆంధ్రప్రదేశ్‌లోని మోపిదేవి, బిక్కవోలు, ఇంద్రకీలాద్రి, పిఠాపురం ఆలయాలు, అరసవల్లి సూర్యనారాయణ ఆలయంలో ప్రత్యేక పూజలు నిర్వహించాలని నిర్ణయించారు. ఈ పూజలు సైనికులకు శక్తి, సామర్థ్యం, రక్షణ కల్పించాలని, అలాగే దేశ నాయకత్వానికి దైవ బలం అందాలని పవన్ కల్యాణ్ ఉద్దేశించారు.
తమిళనాడులో జనసేనపై చర్చ జరగాలనే...
ఈ దేవాలయాలకు తమిళనాడు ప్రసిద్ధి చెందినది. ఆరు ప్రధాన దేవాలయాలు తమిళనాడు రాష్ట్రంలోనే ఉన్నాయి. ఇది రాజకీయంగా కూటమికి కలిసొచ్చే అంశంగా భావించిన పవన్ కల్యాణ్ ఈ నిర్ణయం తీసుకున్నారనే చర్చ కూడా జరుగుతోంది. తమిళనాడులో జనసేన మంత్రులు, ఎమ్మెల్యేలు, ఎమ్మెల్సీలు ఒక్కసారిగా దేవాలయాల్లో కనిపించి దైవ భక్తిని ప్రదర్శిస్తే ఆ రాష్ట్రంలో పార్టీ ప్రచారం పెరుగుతుందనే ఆలోచనలో పవన్ ఉన్నారని రాజకీయ వర్గాలు భావిస్తున్నాయి. సందడి చేయడం ద్వారా బీజేపీ పెద్దలను బాగా ఆకర్షించే అవకాశం ఉందని, వారిని మెప్పించడంతో పాటు ప్రజల సానుభూతిని కూడా దైవబలం ద్వారా సాధించ వచ్చనే ఆలోచనతోనే పవన్ కల్యాణ్ ఈ నిర్ణయం తీసుకుని ఉంటారని రాజకీయ విశ్లేషకులు అంటున్నారు.
సైనికులకు దైవ బలం తోడుకావాలని...
పవన్ కల్యాన్ దైవానికి మించిన శక్తి మరొకటి లేదని భావిస్తున్నారు. అందులో భాగంగా దేశ సైన్యంతో పాటు పాలకులకు దైవబలం మెండుగా ఉండాలని పవన్ కోరుకుంటున్నారు. దేశ వ్యాప్తంగా ఇప్పటికే పలు దేవాలయాల్లో జనసేన నాయకులు పూజలు చేశారు. విజయవాడలోని దుర్గా మల్లేశ్వరస్వామి దేవస్థానంలో సివిల్ సప్లైస్ శాఖ మంత్రి, జెఎస్పీ ప్రధాన కార్యదర్శి నాదెండ్ల మనోహర్, శాసన మండలి విప్ పిడుగు హరిప్రసాద్ ప్రత్యేక పూజలు చేశారు. సరిహద్దుల్లో సైనికుల పోరాటం స్ఫూర్తిదాయకంగా ఉందని, జాతీయతను పెంపొందించే విషయంలో జనసేన ముందుంటుందని నాదెండ్ల మనోహర్ ఈ సందర్భంగా అన్నారు. సైన్యానికి దేశ ప్రజలందరి మద్దతుతో పాటు దైవబలం తోడు కావాలని ఈ పూజలు చేసినట్లు చెప్పారు.
షష్ఠి షణ్ముఖ దేవాలయాలు హిందూ సాంప్రదాయంలో కార్తికేయుడు, సుబ్రహ్మణ్య స్వామి ఆరాధనకు కేంద్రంగా ఉన్న పవిత్ర క్షేత్రాలు. ఈ దేవాలయాలు దక్షిణ భారతదేశంలో సుబ్రహ్మణ్య స్వామి ఆరు ముఖాలు (షణ్ముఖ) ఆయన దైవ శక్తికి ప్రతీకగా భక్తులు గుర్తించారు. ఈ ఆలయాలు ఆరు ఆరాధనా క్షేత్రాలుగా ప్రసిద్ధి చెందాయి. ఇవి "ఆరుపడై వీడు" (తమిళంలో ఆరు గృహాలు) అని పిలుస్తారు. ఇవి ప్రధానంగా తమిళనాడులో ఉన్నాయి. ఈ క్షేత్రాలు సుబ్రహ్మణ్య స్వామి వివిధ రూపాలను, ఆయన శక్తిని ప్రతిబింబిస్తాయి.
షష్ఠి షణ్ముఖ దేవాలయాలు
సుబ్రహ్మణ్య స్వామి ఆరు ప్రధాన దేవాలయాలు తమిళనాడులో ఉన్నాయి. ఈ ఆలయాలు కార్తికేయుడు, మురుగన్ (తమిళ సంప్రదాయంలో) ఆరు విభిన్న రూపాలను సూచిస్తాయి. ఈ ఆలయాల వివరాలు.
తిరుత్తణి సుబ్రహ్మణ్యస్వామి దేవస్థానం (తిరుత్తణి, తమిళనాడు)
తిరుచ్చెందూర్ జిల్లా చెన్నైకి సమీపంలో ఉంది. సుబ్రహ్మణ్య స్వామి (మురుగన్) ఇక్కడ ఆయన దేవసేనతో కలిసి ఆరాధింపబడతారు. ఈ క్షేత్రంలో సుబ్రహ్మణ్య స్వామి శాంతి, సమతుల్యతకు ప్రతీకగా ఉంటారు. ఆయన తన భక్తులకు మానసిక శాంతి, జ్ఞానం, ఆధ్యాత్మిక ఉన్నతిని ప్రసాదిస్తారని భావిస్తారు. ఈ ఆలయం శత్రువులపై విజయం, శాంతిని కోరుకునే వారికి ప్రసిద్ధి చెందినది.
తిరుచ్చెందూర్ మురుగన్ దేవస్థానం (తిరుచ్చెందూర్, తమిళనాడు)
తూత్తుకుడి జిల్లా బంగాళాఖాతం తీరంలో ఉంది. సుబ్రహ్మణ్య స్వామి ని ఇక్కడ సేనాధిపతిగా ఆరాధిస్తారు. ఈ ఆలయం సుబ్రహ్మణ్య స్వామి యుద్ధ శక్తిని ప్రతిబింబిస్తుంది. ఇక్కడ ఆయన సూరపద్మను సంహరించిన స్థలంగా పరిగణిస్తారు. ఇది భక్తులకు శత్రువులపై విజయం, ధైర్యాన్ని అందిస్తుంది. సముద్ర తీరంలో ఉన్న ఈ ఆలయం దైవ శక్తి, రక్షణకు చిహ్నంగా భక్తులు భావిస్తారు.
పళని మురుగన్ దేవస్థానం (పళని, తమిళనాడు)
దిండిగల్ జిల్లా పళనిలోని కొండపై దేవాలయం ఉంది. దండాయుధపాణి (సుబ్రహ్మణ్య స్వామి), సన్యాసిగా ఇక్కడ ఆరాధింపబడుతున్నారు. ఈ ఆలయంలో సుబ్రహ్మణ్య స్వామి త్యాగం, ఆధ్యాత్మిక సాధనకు చిహ్నంగా ఉన్నారు. భక్తులు ఇక్కడ ఆరోగ్యం, ఆధ్యాత్మిక జ్ఞానం, మోక్షం కోసం పూజలు చేస్తారు. ఈ క్షేత్రం భక్తుల శారీరక, మానసిక బాధలను తొలగిస్తుందని నమ్ముతారు.
స్వామిమలై సుబ్రహ్మణ్యస్వామి దేవస్థానం (స్వామిమలై, తమిళనాడు)
తంజావూర్ జిల్లా స్వామిమలైలో దేవస్థానం ఉంది. ఇందులో సుబ్రహ్మణ్య స్వామి ని గురువుగా ఆరాధిస్తారు. ఈ ఆలయంలో సుబ్రహ్మణ్య స్వామి తన తండ్రి శివుడికి "ప్రణవ" (ఓం) రహస్యాన్ని బోధించిన గురువుగా ఆరాధిస్తారు. ఇక్కడ జ్ఞానం, విద్య, ఆధ్యాత్మిక ఉన్నతి కోరుకునే భక్తులు పూజలు చేస్తారు. ఈ క్షేత్రం విద్యార్థుల జ్ఞాన సాధకులకు ప్రసిద్ధి చెందినది.
తిరుప్పరంకుంరం మురుగన్ దేవస్థానం (మధురై, తమిళనాడు)
తమిళనాడు లోని మధురై జిల్లాలో దేవస్థానం ఉంది. సుబ్రహ్మణ్య స్వామి దేవసేనతో కలిసి ఆరాధింపబడతారు. ఈ ఆలయం వివాహ జీవితంలో సామరస్యం, సంతాన ప్రాప్తి కోసం భక్తులు సందర్శించే ప్రసిద్ధ క్షేత్రం. ఇక్కడ సుబ్రహ్మణ్య స్వామి దేవసేనతో వివాహం జరుపుకున్న స్థలంగా భక్తులు భావిస్తారు. ఇది కుటుంబ సౌఖ్యం, దాంపత్య జీవితంలో శాంతిని అందిస్తుందని భక్తుల నమ్మకం.
పళముదిర్చోలై సుబ్రహ్మణ్యస్వామి దేవస్థానం (మధురై, తమిళనాడు)
మధురై సమీపంలో అలగర్ కొండపై సుబ్రహ్మణ్య స్వామి ని ఒంటరిగా భక్తులు ఆరాధిస్తారు. ఈ ఆలయం సుబ్రహ్మణ్య స్వామి ఆధ్యాత్మిక శక్తి, సహజ సౌందర్యానికి చిహ్నం. ఇక్కడ భక్తులు ఆధ్యాత్మిక శాంతి, దైవ సామీప్యం కోసం సందర్శిస్తారు. ఈ క్షేత్రం ప్రకృతి మధ్యలో ఉండటం వల్ల ధ్యానం, ఆధ్యాత్మిక సాధనకు అనువైనది.
ఆరాధ్య దైవం
ఈ ఆరు దేవాలయాలలో ఆరాధ్య దైవం సుబ్రహ్మణ్య స్వామి (కార్తికేయుడు, మురుగన్, స్కందుడు, షణ్ముఖుడు). ఆయన శివుడు, పార్వతి దేవి కుమారుడిగా, దేవతల సేనాధిపతిగా భక్తులు ఆరాధిస్తారు. సుబ్రహ్మణ్య స్వామి ఆరు ముఖాలు (షణ్ముఖ) పంచభూతాలు (అగ్ని, జలం, వాయువు, భూమి, ఆకాశం) ఆత్మను సూచిస్తాయని, యోగ సాధకులకు, షట్చక్రాలకు సంకేతంగా ఉన్నాయని విశ్వసిస్తారు. ఆయన వాహనం నెమలి. ఆయుధం వేలు (శక్తి ఆయుధం). ఆయన జ్ఞానం, ధైర్యం, శక్తి, ఆధ్యాత్మిక ఉన్నతిని ప్రసాదిస్తాడని భక్తులు నమ్ముతారు.
దైవ బలం
సుబ్రహ్మణ్య స్వామి దైవ బలం ఈ ఆలయాలలో విభిన్న రూపాల్లో వ్యక్తమవుతుంది. పురాణాల ప్రకారం, సుబ్రహ్మణ్య స్వామి శివుడి తేజస్సు నుంచి జన్మించాడు. ఇది అగ్ని, గంగ, షట్కృత్తికల (కార్తీక నక్షత్ర దేవతలు) ద్వారా శరవణంలో ఆరు బాలురుగా రూపొందింది, తర్వాత పార్వతి దేవి ఆరు ముఖాలు గల ఒకే దైవంగా ఏకం చేసింది. ఈ ఆలయాల దైవ బలం ఎంతో గొప్పదని భక్తులు భావిస్తారు.