సైకిల్ ఎక్కిన రఘురామ.. ‘ప్రభంజనం పక్కా’..

నరసాపురం ఎంపీ రఘురామకృష్ణ పోటీపై ఇన్నాళ్లూ కొనసాగిన సస్పెన్స్‌కు తెరపడింది. చెప్పినట్లే ఆయన టీడీపీ గూటికి చేరారు. పాలకొల్లు ప్రజాగళం సభలో భాగంగా టీడీపీ అధినేత చంద్రబాబు సమక్షంలో ఆయన పార్టీ కండువా కప్పుకున్నారు. ఈ సందర్భంగా ఆయన మాట్లాడుతూ.. చంద్రబాబు చొరవతో మరోసారి ప్రజల పక్షాన పోరాడే అవకాశం దక్కిందని చెప్పారు. జూన్ 4న రాష్ట్రంలో టీడీపీ-జనసేన-బీజేపీ కూటమి ప్రభంజనం సృష్టించబోతోందని, భారీ మెజారిటీతో అధికారంలోకి వచ్చి రాష్ట్రాన్ని గాడిలో పెడుతుందని ధీమా వ్యక్తం చేశారు. జగన్‌కు బుద్ది చెప్పడానికి ప్రజలు కూడా ఎప్పుడెప్పుడా అని చూస్తున్నారని, ఆ సమయం రానే వచ్చిందని, మే 13న ప్రజలు తమ నిర్ణయాన్ని వెల్లడిస్తారని అన్నారాయన. టీడీపీ కండువా కప్పుకోవడానికి ముందు కూడా రఘురామకృష్ణ రాజు సంచలన వ్యాఖ్యలు చేశారు. జగన్‌ను ఓడించే సత్తా తనకు ఉందని వెల్లడించారు.