జగన్, చంద్రబాబులను ఉతికిపారేసిన షర్మిల

ఎన్నికలప్పుడు ఏమి చెప్పారు. ఇప్పుడు ఏమి చేస్తున్నారు. ఐదేళ్లు అధికారంలో ఉన్న తెలుగుదేశం, ఐదేళ్లు అధికారంలో ఉన్న వైఎస్సార్‌సీపీ ఒక్కరోజైనా రాష్ట్రం కోసం కేంద్రంతో పోరాడారా? అంటూ ఇద్దరు నేతలను ఉతికిపారేశారు ఏపీసీసీ అధ్యక్షురాలు వైఎస్‌ షర్మిలరెడ్డి. ఆదివారం విజయవాడలోని ఆహ్వానం కళ్యాణమండపంలో జరిగిన సభలో ఏపీసీసీ చీఫ్‌గా ఆమె బాధ్యతలు స్వీకరించారు. ఈ సందర్భంగా కొత్త రాష్ట్రానికి కొత్త సమస్యలు తెచ్చారు తప్ప కనీస సౌకర్యాలు కల్పించలేకపోయారు. పది లక్షల కోట్లు అప్పులు చేశారు. ఇంతకంటే ఘోరం ఉంటుందా? అంటూ ప్రశ్నించారు. చంద్రబాబు, జగన్ రెడ్డి అంటూ ఆమె ప్రసంగం కొనసాగింది. ఇరువురు తోడుదొంగని చెప్పకనే చెప్పారు.