ఆంధ్రరత్న భవన్‌లో బస చేసిన షర్మిల

కాంగ్రెస్‌ పార్టీ ఏపీ చీఫ్‌ బుధవారం రాత్రి విజయవాడలోని ఆంధ్రరత్న భవన్‌లో బస చేశారు. మెగా డీఎస్సీ ప్రకటించాలని కోరుతూ చలో సెక్రటేరియట్‌ కార్యక్రమానికి కాంగ్రెస్‌ పార్టీ పిలుపు నిచ్చింది. ఈమేరకు విజయవాడ చేరుకున్న షర్మిల కేవీపీ రామచంద్రరావు ఇంట్లో ఉండాలనుకున్నారు. ఆమెను ఇంట్లోనే హౌజ్‌ అరెస్ట్‌ చేయాలని పోలీసులు సిద్ధం కావడంతో గమనించిన షర్మిల పోలీసుల వ్యూహాన్ని భగ్నం చేస్తూ ఆంధ్రరత్న భవన్‌కు చేరుకున్నారు. రాత్రి పార్టీ రాష్ట్ర కార్యాలయంలోనే బస చేశారు. గురువారం ఉదయం చలో సెక్రటేరియట్‌ కార్యక్రమానికి పార్టీ నాయకులు, కార్యకర్తలతో కలిసి వెళ్లేందుకు నిర్ణయించారు. అయితే పోలీసులు పార్టీ కార్యాలయం వద్దనే అదుపులోకి తీసుకోవాలని నిర్ణయించారు. రాత్రి అంతా సివిల్‌ పోలీసులను అంధ్రరత్న భవన్‌ చుట్టూ కాపలా పెట్టారు.