తిరుపతిలో కడుపు మండిన పేదలు ఏం చేశారంటే...

వెంకటేశ్వరుడు కొలువై ఉన్న తిరుమలకు ముఖ్యద్వారమయిన తిరుపతి  నగరానికి కూతవేటు దూరంలో ఉన్న కరకంబాడి ప్రాంతమంతా ఈ రోజు కోలాహాలంగా మారిపోయింది. జాతరను తలదన్నేట్టుగా జనం ఎక్కడ చూసినా గుంపులు, గుంపులుగా కనిపిస్తున్నారు. పాత చీరెలతో గుడారాలు వేసుకుంటున్నారు. తమకు ఇల్లు కట్టుకునేందుకు జానెడ జాగకోసం వాళ్లు ఇక్కడికి దండయాత్ర చేశారు.

 

 అందువల్ల రాజకీయ నాయకులు కబ్జా చేయకముందే పేదలు మేల్కొన్నారు.  వారం రోజుల నుంచి తిరుపతి నగరం, కరకంబాడి, చుట్టుపక్కల ప్రాంతాలకు చెందిన పేదలు పెద్ద సంఖ్యలో పోగై గుట్ట స్థలాన్ని ఆక్రమించారు. ఆఖరికి కొండపైకి సైతం వెళ్లి చీరలు దారాలు, ప్లాస్టిక్ గోతాలతో హద్దులను ఏర్పాటు చేసుకొన్నారు.  

వీరిలో అర్హులు పెద్ద సంఖ్యలో ఉన్నారని వారికి ఇళ్ల స్థలాలు ఇవ్వాలని  సిపిఎం నేతలు వందవాసి నాగరాజు, కందారపు మురళిలు కోరుతున్నారు.

ఈరోజు ఉదయం జరిగిన పేదల జనరల్ బాడీలో వారు ముఖ్య అతిథులుగా పాల్గొని ప్రసంగించారు. రాష్ట్రంలో ఎక్కడా లేనివిధంగా శ్రీకాళహస్తి నియోజకవర్గం లో కూడా పెద్ద ఎత్తున భూదందా జరిగిందని పేదలకు ఇళ్ల స్థలాలు ఇవ్వకుండా పెద్దలు భోంచేసారని వారు అన్నారు

రాష్ట్ర ంలో ఇళ్లు లేని వారందరికి ఇళ్ల స్థలాలు ఇచ్చామని ప్రభుత్వం  ప్రకటించడం పట్ల సిపిఎం నేత కందారపు మురళి  ఆశ్చర్యం వ్యక్తం చేశారు. సిద్ధం సభలో మాట్లాడుతూ ఇంటి స్థలం లేని పేదవారిని ఒక్కరిని చూపిస్తే బహుమతి ఇస్తామని ముఖ్యమంత్రి జగన్మోహన్ రెడ్డి చేసిన ప్రకటనని గుర్తు చేస్తూ వీళ్లంతా ఎవరో జిల్లాలో ఉన్న వైసిపి మంత్రులు, ఎంపిలు, ఎమ్మెల్యేలు చెప్పాలని ఆయన అన్నారు. కరకం బాడి అడివిలోకి, ఎలాంటి వసతులు లేని కొండగుట్టల్లోకి వచ్చి ప్రజులు ఇల్లు కట్టుకునేందుకు సిద్దమవుతున్నారంటే, ఇంటి అవసరం ఎంత ఉందో చూడాలని ఆయన అన్నారు.