టాప్ నక్సలైట్ సుధాకర్ ‘ఎన్ కౌంటర్’

ఎన్ కౌంటర్ ఎలా జరిగింది

నేషనల్ పార్క్ అటవీ ప్రాంతంలో సుధాకర్ తో పాటు తెలంగాణ రాష్ట్ర కమిటీ సభ్యుడు బండి ప్రకాశ్, దండకారణ్య స్పెషల్ జోనల్ కమిటీ సభ్యుడు పాపారావు, ఇతర ముఖ్య నేతలు సంచరిస్తున్నారన్న సమాచారంతో డీఆర్డీ, ఎస్టీఎఫ్, కోబ్రా దళాలు సంయుక్తంగా ఆపరేషన్ నిర్వహించాయి. ఈ క్రమంలో ఇరుపక్షాల నడుమ ఎదురుకాల్పులు జరిగాయి. తర్వాత వెళ్లి చూడగా సుధాకర్ మృత దేహం కనిపించిందని పోలీసులు తెలిపారు. ఘటనా స్థలంలో ఏకే 47ను స్వాధీనం చేసుకున్నా మని చెప్పారు. ఆయన తలపై ఛత్తీస్ గడ్ లో రూ.40 లక్షల రివార్డు ఉంది. ఏపీ, ఒడిశా తది తర రాష్ట్రాలు ప్రకటించిన వెలలను కూడా కలిపితే ఆయనపై రూ.1 కోటికి పైగానే రివార్డు ఉంది.

సుధాకర్ రివల్యూషనరీ పొలిటికల్ స్కూల్, రీజినల్ బ్యూరోలకు ఇన్చార్జిగా ఒకప్పుడు ఆంధ్రా- ఒడిశా సరి హద్దు ప్రాంతంలో (ఏవోబీ) మావోయిస్టు ఉద్యమానికి సుధాకర్ సుదీర్ఘకాలం నాయకత్వం వహించారు. ఈ ఏడాదిలో ఇప్పటి వరకూ నలుగురు కేంద్ర కమిటీ సభ్యులు ఎన్ కౌంటర్లలో మరణించారు.

చిక్కి పోతున్న కేంద్ర కమిటి

మావోయిస్టు కేంద్ర కమిటీలో ప్రస్తుతం 16 మంది ఉన్నట్లు చెబుతున్నారు. వీరిలో ఏపీ, తెలంగాణకు చెందిన వారు 11 మంది కాగా, జార్ఖం డ్కు చెందినవారు ముగ్గురు, ఛత్తీస్గఢ్ కు చెందిన వారు ఇద్దరు న్నారు. ఏపీ, తెలంగాణకు చెందిన వారు మల్లోజుల వేణుగోపా లరావు అలియాస్ సోనూ, తిప్పిరి తిరుపతి అలియాస్ దేవ్, కడారి సత్యనారాయణరెడ్డి అలియాస్ కోసా, మల్లా రాజిరెడ్డి అలియాస్ సంగ్రామ్, ముప్పాళ్ల లక్ష్మణ్ రావు అలియాస్ గణ పతి, మోడెం బాలకృష్ణ, పాక హన్మంతు అలియాస్ ఊకే గణేష్, కట్టా రామచంద్రారెడ్డి అలియాస్ రాజుదాదా, గాజర్ల రవి అలి యాస్ ఉదయ్, పసునూరి నరహరి అలియాస్ విశ్వనాథ్, పోతుల కల్పన. జార్ఖండ్కు చెందిన వారు మిసిర్ బెర్రీ అలి యాస్ సునీల్, అనల్ దా అలియాస్ పాతిరాం మాంజీ, సహ దేవ్ అలియాస్ అనూజ్. ఛత్తీస్గఢ్ కు చెందిన వారు మాజీదేవ్ అలియాస్ రాంధీర్, మాడ్వి హిడ్మా. వీరిలో పలువురు 60 ఏళ్లకు పైబడినవారే. కాగా, కేంద్ర కమిటీ సభ్యుల్లో ఎవర్ని పార్టీ ప్రధాన కార్యదర్శిగా ప్రకటిస్తారని పోలీసు వర్గాలు ఆరా తీస్తున్నాయి.