Best Panchayat Award | ఢిల్లీ ఆహ్వానంతో కదిలిన పల్లె ప్రతినిధులు

ఈసారి కూడా కేంద్ర ప్రభుత్వం ఉత్తమ పంచాయతీల జాబితా ప్రకటించిన విషయం తెలిసిందే. అందులో చిత్తూరు జిల్లా ఐరాల మండలం బొమ్మసముద్రం పంచాయతీ ఆరోగ్య విభాగంలో ఉత్తమ అవార్డుకు కేంద్ర ప్రభుత్వం ఎంపిక చేసిన సంగతి విధితమే. ఈ సమాచారం అందుకున్న పంచాయతీ, మండల అధికారులకు అన్నివర్గాల నుంచి ప్రశంసలు అందాయి.

ఎక్కడో మారుమూల ఉన్న గ్రామ పంచాయతీకి ఆరోగ్య విభాగంలో కేంద్రం ఉత్తమ అవార్డు ప్రకటించింది. బొమ్మసముద్రం పంచాయతీ సచివాలయ కార్యదర్శి మౌనిక ఇందులో ఐరాల వైద్యాధికారులు డాక్టర్ స్వాతి సింధూర, డాక్టర్ రాజేశ్వరి, అంగన్‌వాడీ వర్కర్లు, పారిశుద్ధ్య కార్మికులు ప్రధానపాత్ర పోషించారు. వారందరినీ సమన్వయం చేయడంలోనే కాకుండా, ప్రజాప్రతినిధిగా సర్పంచ్ వై. రఘు కీలకపాత్ర పోషించారు. వారందరి సమన్వయం కారణంగా బొమ్మసముద్రం పంచాయతీకి ఉత్తమ అవార్డు దక్కేలా చేసింది. దీంతో

బొమ్మసముద్రంలో అధికారులను ఘనంగా సత్కరించారు. కార్యాలయం ముందు సోమవారం సాయంత్ర జరిగిన కార్యక్రమంలో అవార్డు రావడానికి కారణమైన మండల, పంచాయతీ అధికారులను శాలువలతో సత్కరించి, గ్రామంలో పండుగ చేసుకున్నారు. ఈ కార్యక్రమంలో జిల్లా పంచాయతీ అధికారి సుధాకరరావు సత్కరించి, మాట్లాడారు.