జపాన్‌కు సీఎం రేవంత్.. ఎక్కడెక్కడ పర్యటిస్తారంటే..

తెలంగాణ సీఎం రేవంత్ రెడ్డి.. ఈరోజు రాత్రికి జపాన్‌కు వెళ్లనున్నారు. ఆయన అక్కడ వారం రోజులు పర్యటించనున్నారు. ఏప్రిల్ 16 నుంచి 22 వరకు ఆయన పర్యటన కొనసాగనుంది. ఆయనతో పాటు పరిశ్రమల శాఖ మంత్రి శ్రీధర్ బాబు కూడా జపాన్ పర్యటనలో పాల్గొననున్నారు. ఈ ఏడు రోజుల పర్యటనలో భాగంగా రేవంత్ రెడ్డి, శ్రీధర్ బాబు.. టోక్కో, మౌంట్ ఫుజీ, ఒసాకా, హిరోషిమాలలో పర్యటించనున్నారు. జపాన్ అధికారులతో పలు అంశాలపై చర్చించనున్నారు. ఒసాకా వరల్డ్ ఎక్స్‌పో 2025లో తెలంగాణ పెవిలియన్‌ను ప్రారంభిస్తుంది. ఈ అంశంపై కూడా చర్చించనున్నట్లు సమాచారం. ఆ సదస్సుకు ప్రపంచ నలుమూలల నుంచి ప్రముఖ సంస్థలు, పారిశ్రామిక వేత్తలు హాజరుకానున్నారు. ఆ సమావేశంలో సీఎం రేవంత్ రెడ్డి, ఆయన బృందం కూడా పాల్గొననుంది.

సీఎం రేవంత్ రెడ్డి జపాన్ షెడ్యూల్:

మంగళవారం రాత్రి బెంగుళూరు ఎయిర్‌పోర్టు నుంచి ముఖ్యమంత్రితో పాటు అధికారులు జపాన్ కు బయల్దేరుతారు

16 ఏప్రిల్ (బుధవారం) – టోక్యో

• జపాన్ చేరుకుంటారు (నారిటా ఎయిర్‌పోర్ట్)

• భారత రాయబారి తో ఆతిథ్య భేటీ.

17 ఏప్రిల్ (గురువారం) – టోక్యో

• ఉదయం నుంచి మద్యాహ్నం వరకు సోనీ గ్రూప్, జపాన్ ఇంటర్నేషనల్ కోఆపరేషన్ ఏజెన్సీ, JETRO, జపాన్ బయో ఇండస్ట్రీ అసోసియేషన్‌, వివిధ సంస్థలతో సమావేశాలు

• సాయంత్రం తోషిబా ఫ్యాక్టరీ సందర్శన

18 ఏప్రిల్ (శుక్రవారం) – టోక్యో

• గాంధీ విగ్రహానికి పుష్పాంజలి

• టోక్యో గవర్నర్ గారితో మర్యాదపూర్వక సమావేశం

• ఇండియన్ ఎంబసీ అధ్వర్యంలో ఇండస్ట్రీ ప్రతినిధుల భేటీ,

• టయోటా, తోసిబా, ఐసిన్, ఎన్టీటీ తదితర కంపెనీల సీఈవోలతో వేర్వేరుగా సమావేశాలు

• జపాన్ ఓవర్సీస్ ఇన్ఫ్రాస్ట్రక్చర్ ఇన్వెస్ట్ మెంట్ కార్పొరేషన్ ఫర్ ట్రాన్సఫోర్ట్ అండ్ అర్బన్ డెవెలప్మెంట్ ప్రతినిధులతో సమావేశం

• సుమిదా రివర్ ఫ్రంట్ సందర్శన

19 ఏప్రిల్ (శనివారం) – టోక్యో నుంచి → ఒసాకా

• మౌంట్ ఫుజి ప్రాంత సందర్శన

• అరకురయామా పార్క్‌ సందర్శన

20 ఏప్రిల్ (ఆదివారం) – కిటాక్యూషు సిటీ → ఒసాకా

• కిటాక్యూషు మేయర్ గారితో సమావేశం

• ఎకో టౌన్ ప్రాజెక్టుకు సంబంధించిన సమావేశం

• మురసాకి రివర్ మ్యూజియం సందర్శన

• ఎన్విరాన్‌మెంట్ మ్యూజియం & ఎకో టౌన్ సెంటర్ సందర్శన

21 ఏప్రిల్ (సోమవారం) – ఒసాకా

• యుమెషిమాలో వరల్డ్ ఎక్స్ఫో.. తెలంగాణ పెవిలియన్ ప్రారంభం

• బిజినెస్ రౌండ్‌టేబుల్ సమావేశం

• ఒసాకా రివర్ ఫ్రంట్ సందర్శన

22 ఏప్రిల్ (మంగళవారం) – ఒసాకా → హిరోషిమా

• హిరోషిమా పీస్ మెమోరియల్ సందర్శన, గాంధీ విగ్రహానికి పుష్పాంజలి

• హిరోషిమా వైస్ గవర్నర్ మరియు అసెంబ్లీ చైర్మన్‌తో సమావేశాలు

• హిరోషిమా జపాన్‌‌–ఇండియా చాప్టర్ తో బిజినెస్ లంచ్

• హిరోషిమా ఇన్‌స్టిట్యూట్ ఆఫ్ టెక్నాలజీ సందర్శన

• మజ్డా మోటార్స్ ఫ్యాక్టరీ సందర్శన

అనంతరం ఒసాకాలోని కాన్సాయ్ ఇంటర్నేషనల్ ఎయిర్ పోర్ట్ నుంచి బయల్దేరుతారు. 23న ఉదయం హైదరాబాద్‌కు చేరుకుంటారు.