సూర్యా పేట జ్యువెలరీషాపు దొంగతనం కేసులో పురోగతి

సూర్యాపేట ఎస్పీ ఈ కేసును సీరియస్ గా తీసుకున్నారు. ప్రత్యేక బృందాలను రంగంలో దింపారు. ఖమ్మం జిల్లాకు చెందిన మాజీ నేరస్థుడే ఈ దొంగతనం చేయించినట్టు పోలీసుల దర్యాప్తులో తేలింది. ప్రధాన నిందితుడు పరారీలో ఉన్నాడు. ఖమ్మం జిల్లాలో దొంగతనం చేస్తే దొరికిపోతామన్న భయంతో నిందితుడు సూర్యాపేటలో స్కెచ్ వేశాడు. నేపాల్, జార్ఖండ్, ఉత్తర ప్రదేశ్ నేరస్థులతో కలిసి దోపిడి చేసినట్టు పోలీసుల దర్యాప్తులో వెల్లడైంది. ఐదుగురు సభ్యులతో కూడిన ఈ ముఠా నేరాలకు పాల్పడుతుందని సూర్యాపేట ఎస్పీ చెప్పారు. ఈ దొంగతనంలో ఐదుగురు నేరస్థులు నేరుగా పాలుపంచుకోగా మరో ఇద్దరు వారికి సహకరించారు. ముఠా సభ్యురాలు యశోదను అరెస్ట్ చేసినట్టు ఎస్ పి చెప్పారు.