అల్లుడి చేతిలో మామ మృతి

అదనపు కట్నం కోసం భర్త, అత్తమామలు రెండేళ్ల నుంచి వేధిస్తుండటంతో లహరి పుట్టింటికి వెళ్లిపోయింది. 16 నెలల తర్వాత పెద్దల సమక్షంలో పంచాయితీ జరిగింది. ఈ పంచాయతీలో పెద్దలు ఇచ్చిన తీర్పు ప్రకారం తిరిగి ఆమెను కాపురానికి పంపించారు. ప్రస్తుతం మహబూబాబాద్ పట్టణంలోని మిలటరీ కాలనిలో నివాసం ఉంటున్నారు. భర్త తనను కొడుతున్నాడని తండ్రి లాలూ నాయక్‌కు లహరి గురువారం రాత్రి ఫోన్ చేసి చెప్పింది. దీంతో లాలూ నాయక్ అతని కుమారుడు ప్రదీప్ వచ్చి ఎందుకు కొడుతున్నావని గాంధీ నాయక్ ను నిలదీశాడు. ఆ నేపధ్యంలో ఇటు గాంధీకి అటు మామతో పాటు బావమరిది ప్రదీప్ కు మధ్య పెద్ద గొడవైంది. రెండువైపులా మాట మాట పెరిగటంతో అల్లుడు మామపై దాడి చేసికొట్డాడు.  లాలూనాయక్ ను నెట్టివేయడంతో తలకు తీవ్ర గాయమైంది. చికిత్స నిమిత్తం మహబూబాబాద్ జిల్లా ఆసుపత్రికి తరలించారు. పరీక్షించిన వైద్యులు అప్పటికే లాలూ  మృతి చెందినట్లు నిర్దారించారు. మృతుని కుమారుడు ప్రదీప్ ఫిర్యాదు మేరకు కేసు నమోదు చేసి పోలీసులు దర్యాప్తు చేస్తున్నారు.