‘ఇక్కడ ఎంట్రీ ఫీజు లైంగిక సంతృప్తినివ్వడమే’

కేరళ సినీ ఇండస్ట్రీలో జస్టిస్ కే.హేమ కమిటీ నివేదిక మంటలు రేపుతోంది. ఒక్కో నటుడిపై లైంగిక ఆరోపణలు బయటపడుతుండటంతో వారంతా రాజీనామాలు చేస్తూ తమ సచ్చిశీలతను నిరూపించుకుంటామని భీషణ ప్రతిజ్ఞలు చేస్తున్నారు.

దాదాపు ఐదు సంవత్సరాల పాటు నివేదికను తొక్కిపట్టిన కేరళ ప్రభుత్వం హైకోర్టు ఆగ్రహంతో ఎట్టకేలకు బయటపెట్టింది. నివేదిక లోని కొన్ని అంశాలు లీక్ కావడంతో మలయాళ చిత్ర పరిశ్రమ ఉలిక్కిపడింది. ఇవి ఈ మధ్య ఎక్కువ కావడంతో మలయాళం మూవీ ఆర్టిస్ట్‌ల సంఘం (అమ్మ) వాటిని ఎదుర్కోలేకపోతోంది. అనివార్య పరిస్థితుల్లో సూపర్ స్టార్ మోహన్‌లాల్ దాని అధ్యక్ష పదవి నుంచి వైదొలిగిన తర్వాత మంగళవారం (ఆగస్టు 27) మొత్తం ఎగ్జిక్యూటివ్ కమిటీని వైదొలగాలని నిర్ణయించుకుంది.