‘మహా’ సీఎం పీఠం.. ఓవర్ టూ ఢిల్లీ !

మహారాష్ట్ర అసెంబ్లీ ఎన్నికల్లో బీజేపీ నేతృత్వంలోని మహాయుతి కూటమి విజయదుందుభి మోగించింది. మెజారిటి మార్క్ కు వంద స్థానాలు అదనంగా గెలుచుకుని చరిత్ర సృష్టించింది. అయితే సీఎం పదవిపై మాత్రం పీఠముడి వీడటం లేదు. ఇన్నాళ్లు సీఎంగా ఉన్న శివసేన అధినేత ఏక్ నాథ్ షిండే ను కాదని బీజేపీ నేత దేవేంద్ర ఫడ్నవీస్ కు ఇవ్వాలని కాషాయ దళం కార్యకర్తలు కోరుకుంటున్నారు.

బీజేపీ ఈ ఎన్నికల్లో 132 స్థానాలు గెలుచుకుంది . అయితే పార్టీకి అవసరమైన సొంత మెజారిటీ లేదు. ఈ విషయం చర్చించడానికి షిండే, పవార్, ఫడ్నవీస్ ఢిల్లీ వెళ్లారు. సీఎం కుర్చీ రేసులో ప్రస్తుతానికి ఫడ్నవీసే ముందు వరుసలో ఉన్నారు.