గేల్, రస్సెల్ ల సరసన భారత యంగ్ క్రికెటర్.. 52 సిక్స్ లతో ..

ఇండియన్ ప్రీమియర్ లీగ్ (ఐపీఎల్)లో గుజరాత్ టైటాన్స్ (జీటీ) తరఫున ఆడుతున్న కుడిచేతి వాటం ఆటగాడు అభినవ్ 10 ఇన్నింగ్స్‌లలో 258 బంతుల్లో 84.50 సగటుతో 507 పరుగులు చేశాడు. ఆగస్టు 28 నాటికి, అతని స్ట్రైక్ రేట్ టోర్నమెంట్‌లోనే అత్యధికంగా 196.51 తో అత్యుత్తమంగా ఉంది. ఈ టోర్నిలో అత్యధికంగా ఆరు అర్ధ సెంచరీలు చేశాడు. 10 ఇన్నింగ్స్‌లలో 11 ఫోర్లు మాత్రమే ఉన్నాయి.

అభినవ్ సిక్స్ కొట్టే సత్తా అందరికీ తెలిసిందే. కానీ ఈ సంవత్సరం మహారాజా ట్రోఫీలో, అతను దానిని ఒక కొత్త స్థాయికి తీసుకువెళ్లాడు, ఒక మ్యాచ్‌కు సగటున ఐదు సిక్సర్లు సాధించాడు, ఇది అద్భుతమైన ఫీట్.

మహారాజా ట్రోఫీ 2024లో ఆగస్టు 28 నాటికి 27 సిక్స్ లతో కరుణ్ నాయర్ (మైసూర్ వారియర్స్) రెండో స్థానంలో ఉన్నాడు. అయితే అభినవ్ మనోహార్ ఇంతలా చెలరేగిన అతని జట్టు - శివమొగ్గ సెమీ-ఫైనల్‌కు అర్హత సాధించలేకపోయింది. బుధవారం (ఆగస్టు 28), మ్యాచ్‌లో 30 సిక్సర్లు కొట్టిన రికార్డు బద్దల పోటీలో శివమొగ్గ బెంగళూరు బ్లాస్టర్స్ చేతిలో ఓడిపోవడంతో అతని టోర్నమెంట్ ముగిసింది.

ట్వంటీ 20 టోర్నమెంట్ యొక్క ఒకే ఎడిషన్‌లో ప్రపంచవ్యాప్తంగా చాలా తక్కువ మంది బ్యాటర్లు 50 సిక్సర్లు దాటగలిగారు కాబట్టి అభినవ్ సిక్స్ కొట్టిన ఘనత చాలా పెద్దది. ఐపీఎల్‌లో చూస్తే.. ఒక సీజన్‌లో క్రిస్ గేల్, ఆండ్రీ రస్సెల్ మాత్రమే 50కి పైగా సిక్సర్లు కొట్టగలిగారు. ఈ ఫీట్ ను గేల్ రెండుసార్లు చేశారు.

IPL 2012లో, అతను 59 సిక్సర్లతో ఒక సీజన్‌లో అత్యధిక సిక్స్‌లు కొట్టిన ఆటగాడిగా నిలిచాడు. ఆ సంవత్సరం, అతను రాయల్ ఛాలెంజర్స్ బెంగళూరు (RCB) తరపున 733 పరుగులతో ఆరెంజ్ క్యాప్‌ను కూడా గెలుచుకున్నాడు. ఐపీఎల్ 2013లో, అతను 51 సిక్సర్లు విజృంభించగా, ఐపీఎల్ 2019లో కోల్‌కతా నైట్ రైడర్స్ (కేకేఆర్) తరఫున రస్సెల్ 52 సిక్సర్లు బాదాడు.