కష్టాల్లో టీమిండియా.. లంచ్ కి ముందు టాప్ ఆర్డర్ టపా..

ఆస్ట్రేలియాలోని పెర్త్ వేదికగా జరుగుతున్న బోర్డర్ - గవాస్కర్ ట్రోఫి తొలి టెస్ట్ లో టీమిండియా ఎదురీదుతోంది. ఒపెనర్లతో సహ స్టార్ బ్యాట్స్ మెన్ విరాట్ కోహ్లి చేతులెత్తేయడంతో లంచ్ సమయానికంటే ముందే భారత్ ఐదు వికెట్లు కోల్పోయింది. యువ బ్యాట్స్ మెన్లు యశస్వీ జైశ్వాల్, దేవదత్ పడిక్కల్ కనీసం ఖాతా కూడా తెరవలేదు.

మరో ఓపెనర్ కేఎల్ రాహుల్ 26 పరుగులు చేసి వెనుదిరగగా, కోహ్లి 5 పరుగులు, ధ్రువ్ జురెల్ 11 పరుగులు చేసి పెవిలియన్ చేరారు. ప్రస్తుతం క్రీజు లో రిషబ్ పంత్ తో పాటు వాషింగ్టన్ సుందర్ ఉన్నారు. కంగారు బౌలర్లలో స్టార్క్, హజిల్ వుడ్ చెరో రెండు వికెట్లు, మిచెల్ మార్ష్ ఓ వికెట్ పడగొట్టారు.