అమెరికా కోర్టులో కేసుపై ఆదానీ గ్రూపు ప్రకటన, అవన్నీ కూడా..

ఆదానీ గ్రూపు చైర్మన్, అతని మేనల్లుడు, కంపెనీ ఉన్నతాధికారి వినీత్ జైన్ అమెరికా కోర్టులో నమోదు అయిన అవినీతి ఆరోపణలపై గ్రూపు స్పందించింది. అమెరికా అధికారులు కోర్టులో దాఖలు చేసిన నేరారోపణలో యూఎస్ విదేశీ అవినీతి పద్దతుల చట్టం( ఎఫ్సీపీఏ) నిబంధనలు ఉల్లంఘించలేదని ఆదానీ గ్రూపు వెల్లడించింది.

మనదేశంలోని సోలార్ ప్రాజెక్ట్ ల కోసం అధికారులకు ఆదానీ గ్రూప్ 265 మిలియన్ డాలర్ల మొత్తాన్ని లంచంగా ఇచ్చారని యూఎస్ న్యాయశాఖ అభియోగాలు మోపింది. దీనివల్ల వచ్చే 20 సంవత్సరాల కాలంలో 2 బిలియన్ డాలర్ల లాభాన్ని అందించే సోలార్ ప్రాజెక్ట్ లను దక్కించుకుందని వారి ఆరోపణ. ఈ లంచాల కోసం అమెరికా నుంచి ఫండ్స్ సేకరించారని వాషింగ్టన్ వాదన.