రాహూల్ గాంధీ అక్కడి నుంచే పోటీ చేస్తున్నారు..

రాబోయే సార్వత్రిక ఎన్నికల్లో రాహూల్ గాంధీ అమేఠీ, రాయ్ బరేలీతో పాటు ప్రస్తుత ఎంపీగా ఉన్న వయనాడ్ నుంచి కాకుండా తెలంగాణ నుంచి ఎంపీగా పోటీ చేస్తారని వార్తలు వచ్చాయి. అయితే ఇవన్నీ వట్టి ఊహాగానాలే అని ఆ పార్టీ నాయకత్తం కొట్టిపారేసింది. ఆయన కేరళలోని వయనాడ్ ను వదిలిపెట్టి వేరే స్థానంలో పోటీ చేయరని తాజాగా కాంగ్రెస్ వెల్లడించింది.

ఆయనతో పాటు కేరళలోని అలప్పుజా నుంచి పార్టీ నాయకుడు, రాజ్యసభ సభ్యుడు అయిన కేసీ వేణుగోపాల్ పోటీ చేస్తారని తాజాగా వార్తలు వస్తున్నాయి. వేణుగోపాల్ ప్రస్తుతం రాజస్థాన్ నుంచి రాజ్యసభ సభ్యుడిగా ఉన్నారు. ఆయన పదవీ కాలం 2026 తో ముగుస్తుంది. అయితే మళ్లీ వేరే రాష్ట్రం నుంచి రాజ్యసభకు పంపాలంటే కాంగ్రెస్ కు సంఖ్యాబలం లేదు. అందుకే ఆయన ప్రత్యక్ష ఎన్నికల్లో పోటీ చేయబోతున్నారని టాక్.