రిజర్వేషన్లపై 50 శాతం పరిమితిని తొలగిస్తాం: రాహుల్‌
అధికారంలోకి రాగానే దేశవ్యాప్తంగా కుల గణన చేపడతామని, రిజర్వేషన్లపై 50 శాతం పరిమితిని తొలగిస్తామని కాంగ్రెస్‌ నేత రాహుల్‌ గాంధీ హామీ ఇచ్చారు.
కేంద్రంలో భారత కూటమి అధికారంలోకి వస్తే దేశవ్యాప్తంగా కుల గణన చేపడతామని, రిజర్వేషన్లపై 50 శాతం పరిమితిని తొలగిస్తామని కాంగ్రెస్‌ నేత రాహుల్‌ గాంధీ హామీ ఇచ్చారు. భారత్‌ జోడో న్యాయ్‌ యాత్ర ప్రస్తుతం జార్ఖండ్ రాష్ట్రంలో కొనసాగుతోంది. రామ్ ఘర్ జిల్లాలో ఆయన మాట్లాడుతూ.. ప్రజాస్వామ్యాన్ని పరిరక్షణకు కట్టుబడి ఉన్నారని, దెబ్బతిసే పార్టీలకు తగిన బుద్ధి చెబుతామని బీజేపీనుద్దేశించి అన్నారు.
చంపాయీ సోరెన్‌కు అభినందనలు..
గిరిజనుడు ముఖ్యమంత్రి పీఠాన్ని అధిరోహించడంతో బీజేపీకి మింగుడు పడడం లేదన్నారు. అసెంబ్లీలో విశ్వాస పరీక్ష నెగ్గిన వెంటనే గిరిజన సీఎం చంపాయ్‌ సోరెన్‌ను గద్దె దింపాలని బీజేపీ ప్రయత్నించిందని ఆరోపించారు.
‘‘ముఖ్యమంత్రి గిరిజనుడు కావడంతో జార్ఖండ్‌లోని జేఎంఎం-కాంగ్రెస్‌-ఆర్‌జేడీ ప్రభుత్వాన్ని కూల్చేందుకు బీజేపీ ప్రయత్నిస్తోంది. బిజెపి-ఆర్‌ఎస్‌ఎస్‌ కుట్ర నుంచి పేదల ప్రభుత్వాన్ని కాపాడారు’’ అంటూ చంపాయీ సోరెన్‌ పాటు ఎమ్మెల్యేలను అభినందనలు తెలిపారు.
ప్రజాస్వామ్య అణచివేతను సహించం..
‘‘కాంగ్రెస్‌, జెఎంఎం కలిసి ప్రభుత్వాన్ని కాపాడారు. దర్యాప్తు ఏజెన్సీలు, డబ్బు బలంతో బీజేపీయేతర పాలిత రాష్ట్రాలల్లో ప్రజాస్వామ్యం, రాజ్యాంగంపై దాడి చేస్తున్నారు. ప్రజల గొంతును అణచివేయాలని చూస్తున్నారు. దాన్ని సహించం. ప్రజాస్వామ్య స్వరాన్ని అణచివేయడానికి భారత సంకీర్ణం అనుమతించదు’’ అని రాహుల్‌ అన్నారు.
జార్ఖండ్‌లో దళితులు, గిరిజనులు, ఇతర వెనుకబడిన వర్గాల (ఓబీసీలు) వెట్టి చాకిరీ ఇంకా కొనసాగుతోందని, పెద్ద కంపెనీలు, ఆసుపత్రులు, పాఠశాలలు, కళాశాలలు, కోర్టుల్లో వారి ప్రమేయం కొరవడిరదని అని అన్నారు.
కుల గణనతోనే మా తొలి అడుగు..
‘‘ఇది భారతదేశం ముందు ఉన్న అతిపెద్ద ప్రశ్న. దేశంలో కుల గణన చేపట్టడంతోనే మా తొలిఅడుగు’’ మొదలవుతుందన్నారు కాంగ్రెస్‌ మాజీ చీఫ్‌ రాహుల్‌.
ప్రస్తుత నిబంధనల ప్రకారం 50 శాతం కంటే ఎక్కువ రిజర్వేషన్లు ఇవ్వలేమని పేర్కొన్న గాంధీ, అధికారంలోకి రాగానే రిజర్వేషన్లపై 50 శాతం పరిమితిని తొలగిస్తామని హామీ ఇచ్చారు. దళితులు, ఆదివాసీల రిజర్వేషన్లలో ఏ మాత్రం తగ్గింపు ఉండదు. వెనుకబడిన వర్గాలు తమ హక్కులను తప్పక పొందుతారని హామీ ఇచ్చారు.
ప్రధానిది రెండు నాలుకల ధోరణి..
ప్రధాని నరేంద్ర మోదీ తాను ఓబీసీ అని చెప్పుకునేవారని, అయితే కుల గణన డిమాండ్‌ వచ్చినప్పుడు ధనిక, పేద అనే రెండు కులాలు మాత్రమే ఉన్నాయని పేర్కొన్నారు.
‘ఓబీసీలు, దళితులు, గిరిజనులకు హక్కులు కల్పించాల్సిన సమయం వచ్చినప్పుడు మోదీ జీ కులాలు లేవని, ఓట్లు వేసే సమయం వచ్చినప్పుడు తాను ఓబీసీ అని అంటున్నాడు’ అని గాంధీ పేర్కొన్నారు.