జమిలి ఎన్నికలు: బీజేపీకి ఇతర మిత్ర పక్షాల మద్దతు లోపాయికారీగా ఉందా?
బీజేడీ, వైసీపీ, శిరోమణి అకాలీదళ్ సహ పలు పార్టీల అంగీకారం
By : Gyan Verma
Update: 2024-12-13 07:46 GMT
చాలా రోజులుగా ప్రచారం లో ఉన్నట్లుగానే ‘ వన్ నేషన్, వన్ ఎలక్షన్’ పై అధికారంలో ఉన్న ఎన్డీఏ కీలక నిర్ణయం తీసుకుంది. మంత్రివర్గం బిల్లును ఆమోదించి పార్లమెంట్ లో ప్రవేశ పెట్టాలని భావించడంతో దాని మిత్రపక్షాలన్నీ ఏకతాటిపైకి వచ్చాయి.
అయితే ఉభయ సభల్లో బిల్లు చట్టంగా మారడానికి దానికి ప్రస్తుతం ఉన్న బలం సరిపోదు. ఇతర మిత్రుల మద్ధతు కావాలి. వన్ నేషన్, వన్ ఎలక్షన్ పై మొదటి నుంచి ఎన్డీఏ మిత్రపక్షాలు మద్ధతు ఇస్తున్నాయి. సార్వత్రిక ఎన్నికల తరువాత ఎన్డీఏ లో చేరిన టీడీపీ, ఆర్ఎల్డీ ఈ ప్రతిపాదనకు మద్ధతుగా నిలిచాయి.
ఎన్డీయేలో భాగం కాని పార్టీల నుంచి కేంద్రానికి ఎక్కువ మద్దతు అవసరమని గ్రహించిన బిజెపి నాయకత్వం, ఈ అంశంపై ఎక్కువ సంప్రదింపులు జరపడానికి బిల్లును సంయుక్త పార్లమెంటరీ కమిటీ (జెపిసి)కి పంపే ఆలోచనకు అంగీకరించింది. రాజ్యాంగ సవరణ బిల్లు ఆమోదం పొందేందుకు ఇండి బ్లాక్ లోని కొంతమంది మద్ధతు అవసరం. అందుకే ఈ ఎత్తు వేసింది.
ప్రస్తుతం 542 మంది సభ్యులు లోక్ సభలో ఉన్నారు. ఒక స్థానం ఖాళీగా ఉంది. వన్ నేషన్ - వన్ ఎలక్షన్ రాజ్యాంగ సవరణ బిల్లు కావునా సభ ఆమోదం పొందాలంటే 361 మంది సభ్యుల మద్ధతు అవసరం. కానీ ఎన్డీఏ మొత్తం బలమే 293 మంది, కావునా ఈ బిల్లు ఆమోదం పొందాలంటే ప్రతిపక్ష ఇండి బ్లాక్ సభ్యులు అవసరం. వీరికి సభలో 235 మంది సభ్యుల మద్దతు ఉంది.
అలాగే రాజ్యసభలో అధికార కూటమి దాదాపు 122 మంది సభ్యుల మద్ధతు ఉంది. కొన్ని ఖాళీలు ఉన్నందును దాని బలం మరో పది స్థానాలు పెరుగుతుందని అంచనా వేసిన 243 మంది సభ్యులు గల సభలో బిల్లు ఆమోదం కోసం 160 కి పైగా సభ్యుల మద్ధతు అవసరం.
ఇంకా ఒక్క లక్ష్యం మాత్రమే ఉంది..
బీజేపీ ఆవిర్భావం కొన్ని ప్రధాన అంశాల నేపథ్యంలోనే జరిగిందని చెప్పాలి. ఆ పార్టీ దేశంలో రామమందిర నిర్మాణం తో పాటు జమ్మూకాశ్మీర్ కు ప్రత్యేక ప్రతిపత్తి కల్పిస్తున్న అర్టికల్370 ని రద్దు చేయడం, దేశంలో ఏకకాలంలో ఎన్నికలు నిర్వహించడం, యూనిఫాం సివిల్ కోడ్ అమలు చేయడం..
ఇందులో రామమందిర నిర్మాణం, ఆర్టికల్ 370 రద్దు పూర్తి అయ్యాయి. ప్రస్తుతం జమిలి ఎన్నికలు బిల్లు ఆమోదించారు. ఇంకా యూనిఫాం సివిల్ కోడ్ మాత్రమే అసంపూర్తిగా మిగిలిపోయింది.
“తెలుగుదేశం పార్టీ (టిడిపి) నిర్ణయానికి మద్దతు ఇస్తుంది. ఆంధ్రప్రదేశ్‌లో ఇప్పటికే లోక్‌సభ ఎన్నికలు, అసెంబ్లీ ఎన్నికలు కలిసి జరుగుతున్నాయి కాబట్టి ఒకేసారి ఎన్నికలు నిర్వహించే సమస్యే లేదు. వన్ నేషన్, వన్ పోల్ అనే ఆలోచన ఆంధ్రప్రదేశ్‌కి కొత్త కాదు ఎందుకంటే ఇది ఇప్పటికే రాష్ట్రంలో జరుగుతోంది, ”అని టీడీపీ జాతీయ అధికార ప్రతినిధి పట్టాభి రామ్ కొమ్మారెడ్డి ఫెడరల్‌తో అన్నారు.
మాజీ ఎన్‌డిఎ భాగస్వాములు కూడా..
కేంద్రం ప్రతిష్టాత్మకంగా తీసుకున్న ఈ చర్యకు మాజీ ఎన్డీయే కూటమి భాగస్వామ్య పక్షాలు కూడా మద్దతివ్వాలని యోచిస్తున్నాయి. ముఖ్యంగా ఎన్డీఏ లో చాలా రోజుల నుంచి భాగస్వామిగా ఉన్న శిరోమణి అకాలీదళ్ ఈ బిల్లుకు మద్ధతు ఇచ్చేందుకు ముందుకు వచ్చింది.
కొన్నాళ్లుగా ఆపార్టీలో అంతర్గత సంక్షోభం కారణంగా బీజేపీకి దూరంగా ఉంది. అయితే ఆ పార్టీ మద్ధతు ఇవ్వడానికి కొన్ని డిమాండ్లను పరిష్కరించాలని కోరుతోంది. అవి పార్టీవా లేక పంజాబ్ రాష్ట్రానికి సంబంధించిందా తెలియదు.
“ఒక దేశం, ఒకే ఎన్నికలను అమలు చేయాలనే ఆలోచనతో SAD అంగీకరిస్తుంది. శిరోమణి అకాలీదళ్ (SAD)లో వన్ నేషన్, వన్ పోల్ అనే అంశంపై సూత్రప్రాయంగా ఒప్పందం ఉంది, అయితే బిల్లు సమయం గురించి మాకు ఆందోళనలు ఉన్నాయి. ఇప్పుడు బిల్లు ఎందుకు తీసుకువస్తున్నారో అర్థం చేసుకోవాలన్నారు. ఏదో ఒక దశలో లోక్‌సభలో బీజేపీకి మద్దతిచ్చే పార్టీలు మద్దతు ఉపసంహరించుకోవచ్చని కేంద్రం భావిస్తున్నందుకా? అనే అనుమానాన్ని SAD సీనియర్ నాయకుడు నరేష్ గుజ్రాల్ ది ఫెడరల్‌తో అన్నారు.
SAD ఆలోచనలో ఉండగా, మాజీ NDA భాగస్వామి బిజు జనతాదళ్ (BJD) కూడా ఈ ఆలోచనను పూర్తిగా తిరస్కరించడం లేదు.
“ఈ సమస్యపై మరింత సంప్రదింపులు అవసరమని మేము భావిస్తున్నాము. వన్ నేషన్, వన్ ఎలక్షన్ అనే అంశంపై ప్రధాన భాగస్వాములందరూ తమ అభిప్రాయాలను తప్పనిసరిగా తెలియజేయాలి. పార్లమెంటు లేదా అసెంబ్లీలో మెజారిటీ లేకపోవడం లేదా ప్రభుత్వం తన పదవీకాలంలో సభ విశ్వాసాన్ని కోల్పోతే ఏమి జరుగుతుందో అన్న అంశంపై పూర్తిగా వివరాలు బయటకు రావాలి. ప్రజల్లో చర్చ జరగాలి. అందుకే రాజకీయ పార్టీల మధ్య చాలా లోతైన సంప్రదింపులు అవసరమని మేము విశ్వసిస్తున్నాము ” అని BJD MP సస్మిత్ పాత్రా ఫెడరల్‌తో అన్నారు.
వైఎస్సార్‌సీపీ ఎలా ఆలోచించబోతోంది?
ఈ చర్యకు మద్దతుగా వైఎస్సార్‌సీపీ వంటి ప్రాంతీయ పార్టీలు ముందుకు రావచ్చని కేంద్రం కూడా ఆశాభావం వ్యక్తం చేస్తోంది. వైఎస్‌ఆర్‌సిపి ఇంతకుముందు వన్ నేషన్, వన్ పోల్ కు మద్దతు ఇచ్చింది. అయితే దాని ప్రత్యర్థి టీడీపీ, బీజేపీతో జత కట్టడంతో దాని ఆలోచనల్లో మార్పు వచ్చిందా అని స్పష్టంగా తెలియదు.
“మేము ఇంకా నిర్ణయం తీసుకోలేదు కానీ ఈ అశంపై రాబోయే రెండు రోజుల్లో చర్చించాలని అనుకుంటున్నాం. చర్చల అనంతరం మా అధినేత జగన్‌మోహన్‌రెడ్డి తుది నిర్ణయం తీసుకుంటారని వైఎస్సార్‌సీపీ సీనియర్ నాయకుడు, పార్లమెంటేరియన్‌ వి విజయసాయిరెడ్డి ఫెడరల్‌తో అన్నారు.
వన్ నేషన్, వన్ పోల్ అనేది ఒక కలనా?
వన్ నేషన్, వన్ ఎలక్షన్ అనే ఆలోచనలో కొన్ని ఇబ్బందులు ఉన్నప్పటికీ, బిల్లు ఆమోదం కోసం పార్టీలు ఏకతాటిపైకి రావాలని రాజకీయ విశ్లేషకులు భావిస్తున్నారు.
“ఒక దేశం, ఒకే పోల్ అమలులో అనేక ఆచరణాత్మక ఇబ్బందులు ఉన్నాయి. కొన్ని ఆందోళనలకు ఇంకా సమాధానం రాలేదన్నది కూడా నిజం. అయితే, ఏకకాలంలో ఎన్నికలు నిర్వహించాలనే ఆలోచన దేశ ప్రయోజనాలను దృష్టిలో ఉంచుకుని, అన్ని రాజకీయ పార్టీలు ఎక్కువ సంప్రదింపులు జరిపి, ఆ ఆలోచనను అమలు చేయాలి, ”అని లక్నోకు చెందిన రాజకీయ విశ్లేషకుడు SK ద్వివేది ది ఫెడరల్‌తో అన్నారు.