భూ ఆధార్.. ఆక్రమణలను ఆపగలదా? ఏంటీ దీని ప్రత్యేేకత

కేంద్ర బడ్జెట్‌లో ఆర్థిక మంత్రి నిర్మలా సీతారామన్ మాట్లాడుతూ.. దేశవ్యాప్తంగా ప్రతి ప్లాట్‌కి ప్రత్యేక ల్యాండ్ పార్శిల్ ఐడెంటిఫికేషన్ నంబర్ (ULPIN) కేటాయించే ప్రణాళికను వివరించారు. భూ-ఆధార్‌గా నామకరణం చేయబడిన 14 అంకెల గుర్తింపు సంఖ్య, " బినామీ " భూములను అరికట్టడంతో సహా భూ కబ్జా, ఇతర మోసపూరిత కార్యకలాపాలకు పరిష్కారంగా ఉంటుందని ప్రభుత్వం వాదిస్తోంది.

ULPIN రోల్‌అవుట్ ప్లాన్ డిజిటల్ ఇండియా ల్యాండ్ రికార్డ్స్ మోడరనైజేషన్ ప్రోగ్రామ్‌లో భాగంగా దీనిని అమలు చేయబోతున్నారు. ఇది 100 శాతం కేంద్ర నిధుల ప్రాజెక్ట్. యూపీఏ హాయాంలో దీనిని ప్రారంభించారు. 2016 లో దీనిని మోదీ ప్రభుత్వం తిరిగి పునరుద్దరించబడింది.

ఆధునికీకరణ కార్యక్రమం కింద భూ రికార్డులను నవీకరించడం, డిజిటలైజ్ చేయడం, సమగ్రపరచడం, రెవెన్యూ పరిపాలనను బలోపేతం చేయడం కేంద్ర ప్రభుత్వం లక్ష్యంగా పెట్టుకుంది. మూడేళ్లలోగా ప్రక్రియను పూర్తి చేసేలా రాష్ట్ర ప్రభుత్వాలను ముందుకు తీసుకెళ్లాలని కేంద్రం నిర్ణయించింది. మేఘాలయ వంటి కొన్ని రాష్ట్రాలు మినహా దాదాపు అన్నిరాష్ట్రాలు ఈ కార్యక్రమాన్ని అమలు చేయడం ప్రారంభించాయి. అందులో పశ్చిమ బెంగాల్ కూడా ఉంది.

వివరణాత్మక సర్వేలు, జియో-రిఫరెన్స్ కాడాస్ట్రాల్ మ్యాప్‌ల ఆధారంగా ప్లాట్ రేఖాంశం.. అక్షాంశం నమోదు చేసి దానికి, ప్రతి పార్శిల్‌కు 14-అంకెల గుర్తింపు సంఖ్య కేటాయిస్తారు. ULPIN ప్లాట్‌కు సంబంధించిన అన్ని వివరాలను నమోదు చేస్తుంది. అంటే దాని యజమాని పేరు, ప్రాంతం, దాని వినియోగం (వ్యవసాయం లేదా నివాసం). మ్యుటేషన్ సమయంలో ఆస్తి చేతులు మారితే సంఖ్య మారుతుంది. అంటే, ఆస్తిలో కొంత భాగాన్ని విక్రయించినట్లయితే దాని నంబర్ కూడా మారుతుంది. ఇంకా, ల్యాండ్ రికార్డ్ డేటాబేస్‌తో ఆధార్ నంబర్‌ను అనుసంధానం చేస్తుంది. ఇది ల్యాండ్ మల్టిపుల్ డైరెక్టరేట్ లో నిక్షిప్తం అయి ఉంటుంది.

పశ్చిమ బెంగాల్ ఈ ఏడాది జూన్ వరకు 42,423 గ్రామాలకు గాను 42,123 గ్రామాల భూ రికార్డులను కంప్యూటరీకరించింది. రాష్ట్రంలో మొత్తం 46,601,912 హక్కుల రికార్డులు (RoRలు) ఉన్నాయి, వీటిని స్థానికంగా ఖతియన్ అని పిలుస్తారు. భూ రికార్డులలో ప్రతి RoRకి ఒక ఖతియన్ నంబర్ ఇవ్వబడుతుంది.

బ్లాక్ ల్యాండ్ అండ్ ల్యాండ్ రిఫార్మ్స్ ఆఫీసర్ (BL&LRO), డైరెక్టరేట్ ఆఫ్ రిజిస్ట్రేషన్, స్టాంప్ రెవిన్యూతో భూ రికార్డులు ఇంకా పూర్తిగా ఏకీకృతం కానందున, మోసం, వివాదాలకు ఆస్కారం ఉందని న్యాయవాది నబా పల్లబ్ రాయ్ అన్నారు. "కొన్నిసార్లు, ఒక వ్యక్తి తన ప్లాట్‌లో కొంత భాగాన్ని విక్రయించిన తర్వాత, BL&LROతో ఉన్న భూమి రికార్డులు ఆస్తి నమోదు తర్వాత కూడా మార్పు సాధ్యం కావడం లేదు. ఎందుకంటే రికార్డులు ఏకీకృతం కావు," అని ఆయన పేర్కొన్నారు.

ఈ సమస్య పూర్తిగా కాకపోయినా, రికార్డులను ఏకీకృతం చేసిన తర్వాత చాలా వరకు పరిష్కరించబడతాయని ఆయన ధీమా వ్యక్తం చేస్తున్నారు. అయితే, కొత్త రిజిస్ట్రేషన్లు మ్యుటేషన్లు ఆటోమేటిక్‌గా ఉండాలని ఆయన అన్నారు.

భూ రికార్డులను ఆధార్‌తో అనుసంధానం చేసిన తర్వాత యుఎల్‌పిన్ జారీ చేస్తే, మోసం ద్వారా జరిగే భూ అక్రమణ సమస్యను అరికట్టగలదని ఆయన పేర్కొన్నారు. ప్రస్తుతం పశ్చిమ బెంగాల్‌లోని చాలా భూ వివాద కేసులు భూమిని విక్రయించడం, యజమానిగా నటించి మోసగాళ్లు భూ రికార్డులను మార్చడం వంటి వాటికి సంబంధించినవి.

భూ-ఆధార్ సక్రమంగా అమలు చేయబడితే, రాష్ట్రంలో ల్యాండ్ సీలింగ్ ఉల్లంఘనను కూడా పరిష్కరిస్తుందని పశ్చిమ బెంగాల్ ల్యాండ్ అండ్ ల్యాండ్ రిఫార్మ్ ఆఫీసర్స్ అసోసియేషన్ సీనియర్ కార్యకర్త తెలిపారు. "కోల్‌కతా, సిలిగురిలో భూమిని కలిగి ఉన్న వ్యక్తి, రెండు ఆస్తులు కలిసి భూమి సీలింగ్‌ను మించిన సందర్భాలు ఉంటే గుర్తించవచ్చు." అని ఆయన ఉదహరించారు, అటువంటి ఉల్లంఘనను నిర్ధారించడం ప్రభుత్వానికి ప్రస్తుతం చాలా కష్టమని అన్నారు. ఆధార్-లింక్ చేయబడిన ULPIN దీన్ని తనిఖీ చేయడంలో సాయపడుతుంది. బినామీ ఆస్తులను ట్రాక్ చేయడంలో కూడా సాయపడుతుందని పేర్కొంటున్నారు.

ఈ భూ సంస్కరణల ప్రాజెక్ట్, "మంచి ఉద్దేశ్యంతో అమలు చేయబడితే", భూ మోసాలను తగ్గించడంలో సాయపడగలదని అంగీకరిస్తూనే, అఖిల భారత కిసాన్ సభ (AIKS) హెచ్చరిక కూడా గుర్తుచేశారు. భూ సంస్కరణలను అమలు చేయడంలో రాష్ట్ర, కేంద్ర ప్రభుత్వాలు ఎంత చిత్తశుద్ధితో వ్యవహరిస్తున్నాయనే దానిపైనే ఈ ప్రాజెక్టు విజయం ఎక్కువగా ఆధారపడి ఉంటుందని ఏఐకేఎస్‌కు చెందిన హన్నన్ మొల్లా అన్నారు.

ULPIN భూమిని సేకరించడం సులభతరం చేస్తుందని పేర్కొన్న మన్నన్, "ఈ భారీ డేటా సేకరణ అనేది వ్యవసాయ భూమిని సేకరించేందుకు కార్పొరేట్‌లను సులభతరం చేయడానికి ఒక ఎత్తుగడగా మారకూడదు" అని మన్నన్ అన్నారు.

భూ సంబంధిత విభాగాల్లోని అంతర్గత వ్యక్తుల సాయంతో డిజిటలైజ్డ్ రికార్డులను డాక్టరింగ్ చేసే అవకాశంపై కూడా ఉందని AIKS నాయకుడు భయపడుతున్నారు. భూమి, భూ సంస్కరణలు, శరణార్థుల సాయం, పునరావాస శాఖ ఉద్యోగుల సాయంతో పశ్చిమ బెంగాల్ ప్రభుత్వ ఆధీనంలో ఉన్న భూమిని లాక్కున్న విషయాలను ఆయన ఎత్తిచూపారు.

ఈ కేసులను ముఖ్యమంత్రి మమతా బెనర్జీ దృష్టికి తీసుకెళ్లినట్లు సమాచారం. ఒక సందర్భంలో, శాఖ డిజిటలైజ్డ్ భూ రికార్డులను ట్యాంపరింగ్ చేయడం ద్వారా పశ్చిమ బర్ధమాన్ జిల్లాలోని దుర్గాపూర్-ఫరీద్‌పూర్ బ్లాక్‌లోని జబునా మౌజా వద్ద 1.28 ఎకరాల లీజు-హోల్డ్ ప్రభుత్వ భూమిని ఫ్రీహోల్డ్‌గా మార్చినట్లు కొన్ని వర్గాలు తెలిపాయి. ఈ ఏడాది మేలో ఈ విషయం వెలుగులోకి వచ్చింది. ఇలాంటి అనేక ఉదంతాలు తెరపైకి వచ్చిన తరువాత, ప్రభుత్వ ఆధీనంలోని భూమిని లాక్కోకుండా నిరోధించడానికి ప్రభుత్వం సీనియర్ అధికారులతో ఒక కమిటీని ఏర్పాటు చేసింది.

భూమి ఆక్రమణ మానవ నాగరికత అంత పురాతనమైన అంశమని దేశ అత్యున్నత న్యాయస్థానం ముఖ్యమైన వ్యాఖ్య చేయడం ఇక్కడ గమనించదగిన విషయం. 50 ఏళ్లుగా తన కుటుంబం ఆధీనంలో ఉన్న ఐదెకరాల ప్రభుత్వ భూమిపై ఆంధ్రప్రదేశ్ వాసి గౌండ్ల వెంకయ్య దావాను సమర్థిస్తూ జూన్ 2000లో హైకోర్టు ఇచ్చిన ఉత్తర్వులను పక్కన పెడుతూ కోర్టు ఈ వ్యాఖ్యలు చేసింది.