తుఫాన్లతో సుందర్ బన్స్ సంక్షోభం ముదురుతుందా?
వాతావరణ మార్పుల వల్ల సముద్రాలు వేడేక్కడంతో గాలిలో నీరు కేంద్రీకృత కావడంతో భారీ వర్షాలు, వరదలకు కారణమవుతున్నాయి. బంగాళాఖాతంలో గత ఐదు సంవత్సరాలలో ఆరు తుఫాన్లు..
By : Samir K Purkayastha
Update: 2024-10-24 13:03 GMT
మోహన్ జానా సుందర్ బన్ ప్రాంతంలో వ్యవసాయం చేస్తూ, అక్కడ నివాసం ఉంటున్న వ్యక్తి. అయితే బంగళాఖాతంలో తరుచుగా ఏర్పడుతున్న తుఫాన్ల కారణంగా తీవ్ర ఇబ్బంది ఎదుర్కొంటున్నాడు. గత వారం పౌర్ణమికి అధిక ఆటుపోట్లు కారణంగా గంగానది గట్లు తెంపుకుని ప్రవహించింది.
అప్పుడు తన స్వగ్రామమైన గోబర్ధన్ పూర్ లోని ఉప్పు నీరు ప్రవహించింది. దీనికారణంగా వ్యవసాయ భూములు, చెరువులను ముంచెత్తింది. జానా ఇంటితోపాటు పలు ఇళ్లు నీటమునిగాయి. “నా ఇల్లు, వ్యవసాయ భూమి, చెరువు అలల ధాటికి దెబ్బతిన్నాయి. నీరు తగ్గకముందే, ఇప్పుడు తుఫాను ఉగ్రరూపం మనల్ని వెంటాడుతోంది. ఇక్కడ (సుందర్‌బన్స్‌లో) మనుగడ కష్టంగా మారుతోంది,” అని జానా అన్నారు.
తుఫానులు..
భారతదేశ తూర్పు తీరం 2019 నుంచి దాదాపు ఏటా తుఫాను తీవ్రతను ఎదుర్కొంటోంది. ఇది ఫణి (2019), బుల్బుల్ (2019), అంఫాన్ (2020), యాస్ (2021), సిత్రంగ్ (2022), రెమల్ (2024) వంటి తీవ్ర తుఫాన్ లు తీరాన్ని తాకాయి. ఇప్పుడు తీవ్రమైన తుఫానుగా నామకరణం చేయబడిన ‘దానా’ తుఫాన్ గురువారం రాత్రి లేదా శుక్రవారం ఉదయం ఒడిశా-బెంగాల్ మధ్య తీరప్రాంతాన్ని తాకనుంది.
తుఫాన్ ల పెరుగుదల కారణంగా సుందర్ బన్ ప్రాంతంలో తరుచుగా భూమి లవణీయత పెరుగుతోంది. ఇది నేల ఉత్పాదకతను తీవ్రంగా ప్రభావితం చేస్తుంది. 1848 లో బ్రిటిషు నావికుడు హెన్రీ పిడింగ్ట్ దీనిని వివరించారు.
రైతులు తీవ్రంగా నష్టపోతున్నారు..
ఫలితంగా, నివాసితులు తమ గ్రామాల నుంచి వలస వెళ్ళవలసి వస్తోంది లేదా రొయ్యల సాగు వైపు మొగ్గు చూపుతున్నారు, తుఫానుల నుంచి డెల్టా రక్షణ కవచమైన మడ అడవులను విపరీతంగా తొలగిస్తున్నారు.
“అంఫాన్ తర్వాత నా వరి పొలం నుంచి పంటరావట్లేదు. నేను లవణీయత నిరోధక వరి వ్యవసాయాన్ని కూడా ప్రయత్నించాను కానీ దిగుబడి బాగా లేదు. నా కుటుంబాన్ని పోషించుకోవడానికి వేరే మార్గం లేకపోవడంతో, నేను నిర్మాణ స్థలంలో పనిచేయడానికి కేరళలోని పాలక్కాడ్ జిల్లాకు వలస వెళ్లాను, ”అని సుందర్‌బన్స్‌లోని గోసాబాకు చెందిన సనత్ మండల్ చెప్పారు.
వాతావరణ మార్పు మహాసముద్రాలను వేడెక్కేలా చేస్తోంది. ఇది తుఫానుల తీవ్రత, ఫ్రీక్వెన్సీని పెంచుతుందని పర్యావరణం - వాతావరణ చర్యల కేంద్రం డైరెక్టర్ కమల్ కుమార్ తంతి అన్నారు. వెచ్చని గాలిలో ఎక్కువ నీరు కేంద్రీకృతమవుతుంది, ఇది భారీ వర్షాలు, వరదలకు కారణమవుతుందని ఆయన తెలిపారు.
భారతదేశంలో రిచ్ డేటా లేదు..
భారతదేశంలో వాతావరణ మార్పుల ప్రమాదాలపై అధ్యయనాలు, డేటా లేకపోవడం వల్ల వాతావరణ మార్పుల అనుకూలత, ఉపశమన ప్రయత్నాలను మరింత కష్టతరం చేసింది. వాతావరణ మార్పు ప్రేరిత వలసలు, జీవనోపాధి, వ్యవసాయ విధానంలో మార్పుపై తగిన డేటా లేదని తంతి అన్నారు.
అజీమ్ ప్రేమ్‌జీ యూనివర్సిటీకి చెందిన సెంటర్ ఫర్ క్లైమేట్ చేంజ్ అండ్ సస్టైనబిలిటీ, ఇటీవలి పరిశోధనలో, వాతావరణ డేటా ప్రాముఖ్యతను, భారతదేశంలో దాని కొరతను పరిష్కరించాల్సిన అవసరాన్ని హైలైట్ చేసింది. వాతావరణ డేటాకు ప్రాప్యత లేకపోవడం సమర్థవంతమైన వాతావరణ చర్యకు ముఖ్యమైన అవరోధమని అధ్యయనం కనుగొంది.
"ఈ రోజు సమాజం ఎదుర్కొంటున్న అత్యంత ముఖ్యమైన సమస్యలలో ఒకటి వాతావరణ మార్పు. ఇది ఇప్పుడు సుపరిచితమైన పదం అయినప్పటికీ, ఇది తరచుగా ఇతర రకాల పర్యావరణ మార్పులతో గందరగోళం అవుతోంది. వాతావరణ ప్రభావాలపై జరిగిన చాలా విధాన చర్చలు రాష్ట్ర స్థాయి కంటే తక్కువ స్కేల్స్‌లో మాకు సమాచారం లేదని అంగీకరిస్తున్నాయి. ఉదాహరణకు జిల్లా, బ్లాక్ లేదా క్లస్టర్ స్థాయిలలో సమాచారం అందుబాటులో లేదు.
వాతావరణ మార్పు - జనాభా గణన
ఆర్థిక అభివృద్ధి, పర్యావరణ వ్యవస్థ, మానవ జీవితాలపై వాతావరణ మార్పుల ప్రభావాన్ని బేస్‌లైన్ డేటాను ఉపయోగించి వివిధ పర్యావరణ మండలాల కోసం విశ్లేషించవచ్చని నిపుణులు అంటున్నారు.
కేంద్ర హోం మంత్రి అమిత్ షా ప్రకారం, "అతి త్వరలో" పునఃప్రారంభించబడే తదుపరి జనాభా గణనలో వాతావరణ మార్పుల ప్రభావాలపై డేటాను చేర్చాలని వారు ఇప్పుడు డిమాండ్ చేస్తున్నారు.
" సెన్సస్ డేటా హాని కలిగించే జనాభా, పర్యావరణ స్థితిని గుర్తించడంలో సహాయపడుతుంది. కనుగొన్న వాటి ఆధారంగా సమస్యను ఎదుర్కోవడానికి సమర్థవంతమైన వ్యూహాలను రూపొందించవచ్చు ”అని తంతి అన్నారు. అయితే, పర్యావరణ వాతావరణ మార్పుల విశ్లేషణ కోసం జనాభా గణన డేటాను ఎప్పుడైనా ఉపయోగించబోమని రిజిస్ట్రార్ జనరల్ ఆఫ్ ఇండియా ఇటీవల సూచించింది.
“ తదుపరి జనాభా లెక్కల షెడ్యూల్ ఇంకా తెలియజేయబడలేదు. అయితే, మునుపటి జనాభా గణనలలో వాతావరణ మార్పులకు సంబంధించిన ప్రశ్నలేవీ సెన్సస్ ప్రశ్నాపత్రంలో చేర్చబడలేదు ”అని RGI కార్యాలయం రాబోయే జనాభా గణనలో వాతావరణ మార్పులకు సంబంధించిన ప్రశ్నలు ఉంటాయా అనే RTI ప్రశ్నకు సమాధానంగా తెలిపింది. ఈ స్పందన నిజంగా నిరాశపరిచిందని తంతి అన్నారు.