జగన్‌ ఇంటి వద్ద సీసీ కెమేరాలు ఏర్పాటు

ఇటీవల తాడేపల్లిలోని వైఎస్‌ జగన్‌మోహన్‌రెడ్డి నివాసానికి సమీపంలో వరుస అగ్ని ప్రమాదాలు చోటు చేసుకున్నాయి. నివాసానికి ఎదురుగా ఉన్న గార్డెన్‌లో చోటు చేసుకున్న వరుస ఘటనలు రాష్ట్ర వ్యాప్తంగా సంచలనంగా మారాయి. దీంతో వైఎస్‌ఆర్‌ పార్టీ వర్గాలు ఫిర్యాదు చేయడంతో దీనిపై కేసు నమోదు చేసికున్న పోలీసులు రంగంలోకి దిగారు. ఈ ఘటనలపై పోలీసులు ఇప్పటికే విచారణ చేపట్టారు. గుంటూరు జిల్లా పోలీసులు, ఫోరెన్‌సిక్‌ సిబ్బంది సంఘటనలు జరిగిన ప్రదేశాన్ని పరిశీలించి, మంటలు చెలరేగిన ప్రాంతంలోని మట్టి, బూడిద వంటి పలు నమూనాలను సేకరించారు. వీటిని పరీక్షల నిమిత్తం ల్యాబ్‌లకు పంపారు. దీంతో పాటుగా జగన్‌ నివాసానికి చుట్టు పక్కల ఉన్న సీసీటీవీ ఫుటేజీలను కూడా పోలీసులు సేకరించారు. వీటి మీద ప్రస్తుతం విచారణ కొనసాగుతోంది. ఎవరు చేశారు? ఎందుకు చేశారనే కోణంపై పోలీసులు దర్యాప్తు చేపట్టారు.