రాజ్యసభ నుంచి టిడిపి మాయం

తెలుగుదేశం పార్టీకి రాజ్యసభలో ఉన్న ఏకైక ఎంపీ కనకమేడల రవీంద్ర. ఆయన పదవీ కాలం ఈ మార్చితో ముగుస్తున్నది. ఆయన రిటైరయితే ఆ సీటు ఖాళీ అవుతుంది.మరొక అభ్యర్థిని రాజ్యసభకు పంపేంత బలగం టిడిపికి ఇపుడు అసెంబ్లీలో లేదు. ఇపుడు రాజ్యసభకు ఎన్నికలు జరుగుతున్నా, ఒక్క సీటును గెల్చుకునే శక్తి ఈ పార్టీ కి లేదు.అందువల్ల ఎవరినీ అభ్యర్థిగా పోటీ బెట్ట కూడదని అధినేత చంద్రబాబు నాయుడు పార్టీ నిర్ణయించినట్లు సమాచారం..

పార్టీ ఆవిర్భవించాకా రాజ్యసభకు ఎంపిని పంపలేని పరిస్థితి తొలిసారి ఎదురవుతున్నది.

15 రాష్ట్రాల నుంచి 56 రాజ్యసభ స్థానాలకు ఫిబ్రవరి 27న ఎన్నికలు జరుగుతాయని భారత ఎన్నికల సంఘం (ఈసీఐ) ప్రకటించింది. నామినేషన్ల దాఖలుకు ఫిబ్రవరి 15 చివరి తేదీ. రాత్రి 9 నుంచి 4 గంటల మధ్య పోలింగ్, కౌంటింగ్ ఓట్లు అదే రోజు జరుగుతాయి. పార్లమెంటు ఎగువ సభలోని 50 మంది సభ్యులు ఏప్రిల్ 2న పదవీ విరమణ చేయనుండగా, మిగిలిన ఆరుగురి పదవీకాలం ఏప్రిల్ 3న ముగుస్తుంది. ఆంధ్రప్రదేశ్ నుంచి వైసీపీ నేత, నెల్లూరు చెందిన వేమిరెడ్డి ప్రభాకర్‌ రెడ్డి, తెలుగుదేశం పార్టీ ఎంపీ కనకమేడల రవీంద్రకుమార్‌, బీజేపీ ఎంపీ సీఎం రమేష్‌ పదవీకాలం ఏప్రిల్‌ 3తో ముగియనుంది.

ఈ పరిస్థితి నుంచి తెలుగుదేశం కోలుకునే అవకాశాలున్నాయి. వచ్చే అసెంబ్లీ ఎన్నికల్లో ఫలితాలు తారుమారయితే మళ్లీ టిడిపి రాజ్యసభలో ప్రత్యక్షమవుతుంది.  ప్రస్తుతానికి మాత్రం   బలమయిన కాంగ్రెస్ చేయలేని పనిని దేశంలోనే కొత్త పార్టీల్లో ఒకటైన జగన్ పార్టీ  వైఎస్ ఆర్ కాంగ్రెస్ టిడిపి మీద  ఇలాంటి దెబ్బ వేసింది. ఇది చారిత్రాత్మకం.

 ఆంధ్ర ప్రదేశ్  రాజ్యసభ ఎన్నిక మీద మరొక ఆసక్తికరమయిన కథనం ‘ ఆ ముగ్గురు...’  ఇక్కడ చదవవచ్చు.