ఆరునెలలు కాల్పుల విరమణ పాటిస్తున్నాం, మావోయిస్టు పార్టీ ప్రకటన

కర్రెగుట్టల్లో భద్రతా బలగాలు గాలింపును తీవ్రం చేయడంతో మావోయిస్టు పార్టీ కీలక నిర్ణయం తీసుకుంది. తాము ఆరు నెలల వరకు కాల్పుల విరమణ పాటిస్తామని పీపుల్స్ వార్ అధికార ప్రతినిధి జగన్ పేరిట గురువారం రాత్రి విడుదల చేసిన ఓ ప్రకటనలో పేర్కొంది. తెలుగు రాష్ట్రాల్లో శాంతి చర్చల కమిటీతో శాంతి చర్చలు జరపాలని పీపుల్స్ వార్ డిమాండ్ చేసింది. కగార్ ఆపరేషన్ ను రద్దు చేసి శాంతి చర్చలు జరపాలని తాము డిమాండ్ చేశామని ఆయన తెలిపారు. కాంగ్రెస్ పార్టీ దీనిపై చర్చించి నిర్ణయం తీసుకుంటామని చెప్పిందని, సీపీఐ కగార్ ఆపరేషన్ రద్దు కార్యక్రమాలు చేపట్టిందన్నారు. బీఆర్ఎస్ రజతోత్సవ సభలో శాంతి చర్చలు జరపాలని తీర్మానం కూడా చేసిందని జగన్ గుర్తు చేశారు.