రేవంత్ తెస్తున్నది పెట్టబడుల మూటా, బోగస్ ఒప్పందాలా?

అవన్నీ బోగస్ ఒప్పందాలా?

అమెరికా దేశంలో తెలంగాణ సీఎం రేవంత్ రెడ్డి చేసుకున్న ఒప్పందాలన్నీ బోగస్ అని బీఆర్ఎస్ పార్టీ కార్యనిర్వాహక అధ్యక్షుడు కేటీఆర్ ఆరోపించారు. సీఎం షెల్ కంపెనీలతో ఒప్పందాలు చేసుకున్నారని ఆయన ఆరోపించారు. దీనితో ఆయన కాంగ్రెస్ పార్టీ పేరును కూడా మార్చేసి స్కాంగ్రెస్ అనడం మొదలుపెట్టారు.   పెట్టుబడుల పేరిట షెల్‌ కంపెనీలతో బాతాఖానీ కొట్టి స్కాంగ్రెస్‌  ప్రజలను మోసగిస్తున్నదని. రేవంత్‌ రెడ్డి సోదరుడు నెల రోజుల్లో పెట్టిన స్వచ్ఛ్‌ బయో కంపెనీ ఇదే కోవలోనిదే ఆయన అన్నారు. "ఇది ఆరంభం మాత్రమే! ఇలాంటివి ఇంకా చాలా వస్తాయి. కాంగ్రెస్  స్కాంగ్రెస్ గా బట్టబయలు అవుతుంది ' అని కెటిఆర్ పేర్కొన్నారు.రేవంత్‌ చేసుకునే ఒప్పందాల కంపెనీలన్నీ బోగస్ అని.. ఆ ఒప్పందాలపై న్యాయస్థానాలను ఆశ్రయిస్తామని ప్రకటించారు. .అయితే తాజాగా సీఎం రేవంత్ చేపట్టిన అభివృద్ధి పనులతో రాబోయే జీహెచ్ఎంసీ ఎన్నికల్లో కాంగ్రెస్ ప్రభావం చూపించేందుకు వీలుగా హైదరాబాద్ అభివృద్ధి ఉపయోగపడే అవకాశముందని హైదరాబాద్ నగరానికి చెందిన సోషల్ యాక్టివిస్టు, కాంగ్రెస్ నాయకురాలు డాక్టర్ లూబ్నా సర్వత్ చెప్పారు.

రేవంత్ ఒప్పందాలు అమలైతే ప్రజలు అభినందిస్తారు...

విదేశీ పర్యటనలో భాగంగా రేవంత్ రెడ్డి చేసుకున్న ఒప్పందాలు అమలు అయితే ప్రజలు అభినందిస్తారని ఫోరం ఫర్ గుడ్ గవర్నెన్స్ అధ్యక్షుడు యం పద్మనాభరెడ్డి ‘ఫెడరల్ తెలంగాణ’కు చెప్పారు. గతంలో కేటీఆర్ పెట్టుబడుల పేరిట విదేశీ పర్యటనల కోసం రూ.40 కోట్లు ఖర్చు చేశారని, కానీ వచ్చిన పెట్టుబడులు మాత్రం అంతంత మాత్రమేనన్నారు. హైదరాబాద్ నగరం శాంతియుతంగా, వాతావరణం అనుకూలంగా ఉండటంతోపాటు వనరులున్నందు వల్ల విదేశీ పెట్టుబడులు వచ్చే అవకాశం ఉందని పద్మనాభరెడ్డి చెప్పారు.

ప్రపంచ బ్యాంకుతో రేవంత్ భేటీపై విమర్శలు

ప్రపంచ బ్యాంక్ అధ్యక్షుడు అజయ్ బంగాను తెలంగాణ సీఎం రేవంత్ రెడ్డి కలవడంపై తెలంగాణకు చెందిన ఆర్థిక నిపుణులు పాపారావు అభ్యంతరం వ్యక్తం చేశారు. గతంలో ఉమ్మడి రాష్ట్రంలో నారా చంద్రబాబు నాయుడు ప్రపంచ బ్యాంకుతో ఒప్పందాలు కుదుర్చుకున్నాడని, ఆయన బాటలో రేవంత్ పయనించడంపై ప్రజలు వ్యతిరేకత వ్యక్తం చేస్తున్నారని పాపారావు ‘ఫెడరల్ తెలంగాణ’కు చెప్పారు. ప్రపంచ బ్యాంకు విధించే షరతులను అంగీకరిస్తే ప్రజలపై పన్నుల రూపంలో భారం పడుతుందని ఆయన పేర్కొన్నారు. సీఎం రేవంత్ పర్యటన వల్ల రాష్ట్రానికి ఎలాంటి ప్రయోజనం ఉండదని ఆయన అభిప్రాయపడ్డారు. కాంగ్రెస్ ప్రభుత్వ హయాంలో క్వాలిటేటివ్ గా పరిపాలనలతో మార్పేులేదు. నిజానికి వ్యతిరేక పెరిగినట్లు కనిపిస్తుంది.గతంలో హైదరాబాద్ లో కరెంటు పోయిన సందర్భాలు బాగా తక్కువ ఇపుడు కరెంటు పోనీ రోజంటూ ఉందా. దీనికి కారణం ప్రజలకు అవసరం లేదు. కరెంటు పోెతున్నదని ప్రజలు ఫీలవుతున్నారు. ఇలా అనేక రంగాలలో ప్రజలు సంతృప్తిగా లేరు. ఈ వ్యతిరేకతని ఇన్వెస్ట్ మెంట్ ప్రచారం పోగొట్టడం క ష్టం," అని పాపారావు అన్నారు.

గతంలో కంటే హైదరాబాద్ నగరంలో కాంగ్రెస్ పార్టీపై వ్యతిరేకత పెరిగిందని చెప్పారు. రేవంత్ ఇమేజ్ విదేశీ పర్యటన వల్ల పెరగలేదని చెప్పారు. రాష్ట్రంలో ప్రభుత్వం మీద వ్యతిరేక పెరుగుతున్నందున రేవంత్ విదేశీపెట్టుబడుల వేటకు బయలుదేరారని, ఇంకొన్ని  ఈ పెట్టుబడుల వెల్లువ, శంకుస్థాపనల పండగలు చేసుకుంటారని, ప్రజల సమస్యలు  రోడ్లు, కరెంటు, ప్రైవేటు పాఠశాలల ఫీజులు, ఆసుప్రతులు సమస్యలు, హాస్టళ్ల సమస్యలు అట్లే ఉంటాయనే వాళ్లు కూడా ఉన్నారు.  పెట్టబడుల సదస్సులూ, టూర్లు ఎవరుచేసిన ప్రజల దృష్టి మళ్లించేందుకే నని సీనియర్ జర్నలిస్టు ఒకరు వ్యాఖ్యానించారు.