ఎన్నికల వేళ.. వంట గ్యాస్ పై మరో వంద...

‘వంటగ్యాస్‌ను అందుబాటు ధరలో అందించటం వల్ల కుటుంబాల శ్రేయస్సుకు మద్దతు ఇస్తున్నాం. తద్వారా వారికి ఆరోగ్యకరమైన వాతావరణాన్ని అందించేందుకు కృషి చేస్తున్నాం. మహిళా సాధికారత, సులభతర జీవన విధానాన్ని అందించడంలో భాగంగానే ఈ నిర్ణయం తీసుకున్నాం’ అన్నారు ప్రధాని. ఉజ్వల యోజన కింద ఎల్‌పీజీ సిలిండర్‌పై అందిస్తున్న రూ.300 రాయితీని వచ్చే ఆర్థిక సంవత్సరంలోనూ కొనసాగించనున్నట్లు కేంద్రం ఇప్పటికే ప్రకటించింది. రక్షాబంధన్‌ సందర్భంగా గత ఏడాది సిలిండర్‌ ధరను కేంద్రం రూ.200 తగ్గించింది.

"వంట గ్యాస్​ మరింత చౌకగా చేయడంతో కుటుంబాల ఆరోగ్యానికి మద్దతివ్వాలన్న మా లక్ష్యం నెరవేరుతోంది. మహిళల అభ్యున్నతికి, సులభతర జీవితానికి మేము కట్టుబడి ఉన్నాం" అని మోదీ ట్వీట్ చేశారు. 2024 లోక్​సభ ఎన్నికలకు ముందు గ్యాస్​ సిలిండర్​ ధరను తగ్గిస్తున్నట్టు మోదీ ప్రకటించడం గమనార్హం.

హైదరాబాద్​లో గ్యాస్​ సిలిండర్​ ధర ఎంత?

మోదీ ప్రకటనకు ముందు.. హైదరాబాద్‌లో 14.2 కిలోల సబ్సిడీ ఎల్​పీజీ సిలిండర్ ధర రూ. 955గా ఉంది. నేటి ప్రకటన తర్వాత గ్యాస్ సిలిండర్ ధర రూ. 855కు తగ్గనుందని గ్రహించాలి. ఆంధ్ర ప్రదేశ్, తెలంగాణ రాష్ట్రాల్లో వంట గ్యాస్​ సిలిండర్​ ధర ఇంచుమించుగా ఇదే విధంగా ఉంది.

అయితే.. ప్రభుత్వ రంగ చమురు మార్కెటింగ్ కంపెనీలు.. 19 కిలోల వాణిజ్య ఎల్​పీజీ గ్యాస్ సిలిండర్ల ధరలను మార్చ్​ 1న రూ. 25 పెంచాయి. ఫలితంగా.. ఢిల్లీలో.. 19 కిలోల కమర్షియల్ గ్యాస్ సిలిండర్ రిటైల్ ధర రూ.1,795కు చేరింది. ముంబైలో నేటి నుంచి 19 కిలోల సిలిండర్ ధర రూ.1,749గా ఉంది. చెన్నై, కోల్​కతాలో కమర్షియల్ ఎల్​పీజీ గ్యాస్ సిలిండర్ ధర వరుసగా రూ.1,960, రూ.1,911కు పెరిగాయి.