బీజేపీ కొత్త రథసారథిగా ఆ ఫైర్ బ్రాండ్ ?
ప్రస్తుత బీజేపీ సారథి జేపీ నడ్డా మోదీ మంత్రి వర్గంలోకి వెళ్లడంతో కమల దళానికి కొత్త అధ్యక్షుడిని నియమించడానికి పార్టీ ఆఫీస్ బేరర్లు సిద్ధం అవుతున్నారు.
By : The Federal
Update: 2024-06-11 10:29 GMT
ప్రస్తుత బీజేపీ అధ్యక్షుడు జగత్ ప్రకాష్ నడ్డా( జేపీ నడ్డా) కేంద్రమంత్రి వర్గంలోకి వెళ్లడంతో త్వరలో ఆయన పార్టీ బాధ్యతలను విడిచిపెట్టబోతున్నారు. పార్టీ అధ్యక్షుడిగా ఆయన పదవీకాలం జనవరిలోనే ముగిసింది. అయితే సార్వత్రిక ఎన్నికలను పురస్కరించుకుని ఆయన పదవీ కాలాన్ని పొడిగించారు.
ప్రస్తుతం పార్టీ అధ్యక్షుడి పదవీని చేజిక్కించుకోవడానికి పలువురు నాయకులు పోటీ పడుతున్నారు. అయితే ప్రస్తుతం అందుతున్న సమాచారం ప్రకారం కమల దళానికి నాయకత్వం వహించడానికి ఓ మహిళా ఫైర్ బ్రాండ్ సుముఖంగా ఉన్నట్లు తెలుస్తోంది.
ప్రస్తుత అధ్యక్షుడు జెపి నడ్డా బిజెపి నేతృత్వంలోని ఎన్‌డిఎ ప్రభుత్వంలో చేరడంతో, పార్టీకి పూర్తి స్థాయి అధిపతి అవసరం - గతంలో ఎల్‌కె అద్వానీ, మురళీ మనోహర్ జోషి, నితిన్ గడ్కరీ, అమిత్ షాలు నిర్వహించే గౌరవనీయమైన పదవి. 2024 లోక్‌సభ ఎన్నికల్లో అమేథీ స్థానం నుంచి ఓడిపోయిన స్మృతి ఇరానీని బీజేపీ అధ్యక్షురాలిగా చేస్తారనే ఊహాగానాలు జోరుగా సాగుతున్నాయి.
రాష్ట్రపతి పదవికి పోటీ పడే అవకాశం ఉన్న ధర్మేంద్ర ప్రధాన్ లేదా శివరాజ్ సింగ్ చౌహాన్ వంటి బిజెపి నాయకులు ఇప్పుడు నరేంద్ర మోదీ క్యాబినెట్‌లో ఉన్నారు. అందుకే వారిని పార్టీ పదవులకు మినహంపు ఉంటుందని భావిస్తున్నారు. అయితే ఇంతకుముందు పార్టీ సొంత మెజారీటీతో ప్రభుత్వం ఏర్పాటు చేసింది. అందుకే వీరికి రాజ్యాంగ బద్ద పదవులు లేదా పార్టీ పదవుల విషయంలో మరోసారి పార్టీ అధిష్టానం ఆలోచించే అవకాశం ఉంది.
రేసులో మరికొందరు
మీడియా నివేదికల ప్రకారం, ఈ పదవికి బిజెపి ప్రధాన కార్యదర్శి వినోద్ తావ్డే పేరు ప్రముఖంగా వినిపిస్తోంది.ఆయన మహారాష్ట్ర ప్రభుత్వంలో మాజీ మంత్రి, అత్యంత ప్రభావవంతమైన ప్రధాన కార్యదర్శులలో ఒకరిగా పేరుంది.
బీజేపీ ఓబీసీ మోర్చా చీఫ్‌ కే లక్ష్మణ్‌, పశ్చిమ బెంగాల్‌, తెలంగాణ, ఒడిశా రాష్ట్రాల ప్రధాన కార్యదర్శి సునీల్‌ బన్సాల్‌, అలాగే రాజస్థాన్‌ నుంచి రాజ్యసభ సభ్యుడు ఓం మాథుర్‌ కూడా రేసులో ఉన్నట్లు సమాచారం.
అయితే, బిజెపి నాయకత్వం స్మృతి ఇరానీని ఎంపిక చేసే అవకాశం ఉందని కొన్ని నివేదికలు సూచిస్తున్నాయి. ఆమె దూకుడు, బహుభాషా, ఈ పదవికి అవసరమైన లక్షణాలను కలిగి ఉంది. ఇప్పటి వరకూ ఎంపిక ప్రక్రియ గోప్యంగానే ఉంది, బీజేపీలో ఎవరూ అధికారికంగా ఈ అంశంపై మాట్లాడేందుకు సిద్ధంగా లేరు.