సీఏఏ: 18 మంది పాకిస్తానీ హిందూ శరణార్థులకు భారత పౌరసత్వం
పాకిస్తాన్ నుంచి వలస వచ్చిన హిందూ శరణార్థులకు సీఏఏ ద్వారా పౌరసత్వం మంజూరు అయింది. దీనిని కేంద్ర సహాయమంత్రి హర్ష్ సంఘవి అందజేశారు.
By : The Federal
Update: 2024-03-17 06:49 GMT
సీఏఏ చట్టం ప్రకారం పాకిస్తాన్ లో మత హింసకు గురై భారత్ కు వచ్చిన 18 మంది హిందూ శరణార్థులకు గుజరాత్ ప్రభుత్వం పౌరసత్వం మంజూరు చేసింది. గుజరాత్ లో హోంశాఖ సహాయ మంత్రి హర్ష్ సంఘవి దీనికి సంబంధించిన పత్రాలను బాధితులకు అందజేశారు.
"దేశ అభివృద్ధి ప్రయాణంలో మీరందరూ భాగస్వాములు కావాలనే దృఢ సంకల్పంతో ఈ పనికి పూనుకున్నాం" అని, పౌరసత్వం పొందిన వారందరినీ సమాజ స్రవంతిలోకి తీసుకురావడానికి కేంద్ర, రాష్ట్ర ప్రభుత్వాలు కట్టుబడి ఉన్నాయని ఈ సందర్భంగా కేంద్ర సహాయ మంత్రి హర్ష్ సంఘవి అన్నారు. నవ భారత కలను సాకారం చేసేందుకు కలిసికట్టుగా కృషి చేయాలని కోరారు.
ఆఫ్ఘనిస్తాన్, పాకిస్థాన్, బంగ్లాదేశ్‌లోని మైనారిటీలు సులభంగా భారత పౌరసత్వం పొందడానికి ప్రధాని నరేంద్ర మోదీ, కేంద్ర హోం మంత్రి అమిత్ షా ప్రత్యేక కృషి చేశారని సంఘవి అన్నారు.
2016, 2018 నాటి గెజిట్ నోటిఫికేషన్‌లు గుజరాత్‌లోని అహ్మదాబాద్, గాంధీనగర్, కచ్ జిల్లా కలెక్టర్లకు పాకిస్తాన్, ఆఫ్ఘనిస్తాన్, బంగ్లాదేశ్ నుంచి మత హింస కు గురై భారత్ కు వలస వచ్చిన ప్రజలకు భారత పౌరసత్వాన్ని మంజూరు చేసే అధికారం ఉందని తెలుస్తోంది. దీంతో అహ్మదాబాద్ జిల్లాలో నివసిస్తున్న పాకిస్థాన్‌కు చెందిన మొత్తం 1,167 మంది హిందూ శరణార్థులకు ఇప్పటి వరకు భారత పౌరసత్వం లభించిందని పేర్కొంది.
మార్చి 11న, కేంద్ర ప్రభుత్వం పౌరసత్వ (సవరణ) చట్టం, 2019 అమలును ప్రకటించింది, పాకిస్తాన్, బంగ్లాదేశ్, ఆఫ్ఘనిస్తాన్ నుంచి పత్రాలు లేని ముస్లిమేతర వలసదారులకు పౌరసత్వానికి ఇవ్వడానికి ఇది సులభతరం చేసింది. దీనితో, మూడు దేశాల నుంచి హిందువులు, సిక్కులు, జైనులు, బౌద్ధులు, పార్సీలు, క్రైస్తవులు -- హింసించబడుతున్న ముస్లిమేతర వలసదారులకు భారత పౌరసత్వం ఇవ్వాలని భారత ప్రభుత్వం సంకల్పించింది.