ఆ అధికారం యూపీఎస్సీకి లేదు: పూజా ఖేడ్కర్
వివాదాస్పద మాజీ ప్రొబేషనరీ ఐఏఎస్ తనపై వచ్చిన అన్ని ఆరోపణలను ఖండించారు. తనను విధుల్లోంచి తొలగించే అధికారం యూపీఎస్సీకి లేదని ఢిల్లీ హైకోర్టుకు లో దాఖలు చేసిన..
By : The Federal
Update: 2024-08-29 07:19 GMT
తనపై వచ్చిన అన్ని ఆరోపణలను వివాదాస్పద మాజీ ప్రొబేషనరీ ఐఏఎస్ పూజా ఖేడ్కర్ ఖండించారు. సివిల్ సర్వీస్ పరీక్ష క్లియర్ చేయడానికి మోసం చేసి ఓబీసీ, వికలాంగుల కోటాను దుర్వినియోగం చేశారని యూపీఎస్సీ ఆరోపించింది. వాటిని తిరస్కరిస్తూ, తనను సర్వీస్ నుంచి తొలగించే అధికారం యూపీఎస్సీకి లేదని ఢిల్లీ హైకోర్టులో దాఖలు చేసిన పిటిషన్ లో తెలిపారు.
UPSC గత నెలలో ఖేద్కర్ తాత్కాలిక అభ్యర్థిత్వాన్ని రద్దు చేసింది. అర్హతకు మించి సివిల్ సర్వీసెస్ పరీక్షకు హజరు అయినట్లు, దీనికి మోసపూరిత విధానాలను అవలంభించారని ఆరోపణలు రావడంతో స్పందించిన యూపీఎస్సీ భవిష్యత్ లో మిగిలిన యూపీఎస్సీ పరీక్షలకు హాజరుకాకుండా ఆమెను డిబార్ చేసింది. ఈ కేసులో ఖేద్కర్ ముందస్తు బెయిల్ కోసం ప్రయత్నిస్తున్నారు. ఆమె ముందస్తు బెయిల్ పిటిషన్‌ను హైకోర్టు గురువారం (ఆగస్టు 29) విచారించనుంది.
DoPT మాత్రమే అధికారం.. ఖేద్కర్ వాదన
"ఒకసారి ప్రొబేషనరీ ఆఫీసర్‌గా ఎంపికయ్యాక, అభ్యర్థిత్వాన్ని రద్దు చేసే అధికారం UPSCకి ఉండదు" అని కమిషన్ తనపై దాఖలు చేసిన కేసుపై స్పందిస్తూ ఖేద్కర్ అన్నారు. తనపై చర్యలు తీసుకునే అధికారం కేంద్ర ప్రభుత్వ పరిధిలోని డిపార్ట్‌మెంట్ ఆఫ్ పర్సనల్ అండ్ ట్రైనింగ్ (DoPT)కి మాత్రమే ఉందని ఆమె తెలిపారు.
పేరు మార్చలేదు..
ఖేద్కర్ తన పేరును, అలాగే ఆమె తల్లిదండ్రుల పేరును మార్చడం ద్వారా జనరల్ కేటగిరీ అభ్యర్థులకు అనుమతించబడిన కంటే అదనంగా పరీక్షకు హాజరయ్యారని UPSC ఆరోపించింది. అయితే కోర్టులో దాఖలు చేసిన తన పిటిషన్ లో ఈ ఆరోపణలను ఖేద్కర్ కొట్టిపారేశారు. 2012 నుంచి 2022 వరకు తన పేరు లేదా ఇంటిపేరులో ఎలాంటి మార్పు లేదని, కమిషన్‌కు తన గురించి ఎలాంటి తప్పుడు సమాచారం ఇవ్వలేదని ఆమె అన్నారు.
"యూపీఎస్సీ బయోమెట్రిక్ డేటా ద్వారా నా గుర్తింపును ధృవీకరించింది. కమిషన్ నా పత్రాలు నకిలీవి లేదా తప్పుగా గుర్తించలేదు. నా విద్యార్హత సర్టిఫికేట్, ఆధార్ కార్డ్, పుట్టిన తేదీ, ఇతర వ్యక్తిగత సమాచారం ఖచ్చితంగా సరైనవని తేలింది" అని ఆమె కోర్టుకు తెలిపింది.
DoPT ద్వారా అన్ని ధృవీకరణలు
ఆమె గుర్తింపుపై అవసరమైన అన్ని ధృవీకరణలు డిఓపిటిచే తనిఖీ చేసిందని ఖేద్కర్ నొక్కిచెప్పారు. “DoPT ప్రకారం, AIIMS ఏర్పాటు చేసిన మెడికల్ బోర్డు నా వైద్య పరీక్షను నిర్వహించింది. నా వైకల్యం 47 శాతం వరకు ఉందని, PwBD (పర్సన్ విత్ బెంచ్‌మార్క్ డిజేబిలిటీ) కేటగిరీకి అవసరమైన 40 శాతం వైకల్యం కంటే ఎక్కువగా ఉన్నట్లు బోర్డు గుర్తించింది, ” ఆమె చెప్పారు.
మందుస్తు బెయిల్ ను వ్యతిరేకించిన యూపీఎస్సీ, ఢిల్లీ పోలీసులు..
ఖేద్కర్ దాఖలు చేసిన ముందస్తు బెయిల్ పిటిషన్‌ను UPSC ఆగస్టు 21న వ్యతిరేకించింది. "మోసం" పరిమాణాన్ని అంచనా వేయడానికి ఆమెను కస్టడీ ఇంటరాగేషన్ అప్పగించమని కోర్టుకు తెలిపింది. " చేసిన మోసం చాలా తీవ్రమైంది. ఇది రాజ్యాంగ సంస్థపై ప్రజల నమ్మకాన్ని తగ్గించేవి ఉన్నాయి.
యుపిఎస్‌సి విశ్వసనీయత, అలాగే దరఖాస్తుదారు అపాయింట్‌మెంట్ పొందేందుకు చట్టవిరుద్ధమైన మార్గాల కారణంగా తగిన అర్హతలు కలిగి ఉన్నప్పటికీ కొంతమంది నియామకం కాలేకపోయారు" అని యుపిఎస్‌సి పేర్కొంది. ఢిల్లీ పోలీసులు కూడా ఖేద్కర్ ముందస్తు బెయిల్ పిటిషన్‌ను కొట్టివేయాలని కోర్టును కోరారు.
ఖేద్కర్‌పై ఆరోపణలు
నకిలీ గుర్తింపు ద్వారా సివిల్ సర్వీసెస్ పరీక్షలో ప్రయత్నించినందుకు ఖేద్కర్‌పై ఫోర్జరీ కేసు నమోదుతో సహా, జూలైలో UPSC ఖేద్కర్‌పై వరుస చర్యలను ప్రారంభించింది. అనంతరం ఢిల్లీ పోలీసులు కేసు నమోదు చేసి దర్యాప్తు ప్రారంభించారు.
ఇండియన్ అడ్మినిస్ట్రేటివ్ సర్వీస్ (2023 బ్యాచ్, మహారాష్ట్ర కేడర్) తాత్కాలికంగా కేటాయించబడిన ఖేద్కర్ పూణేలో శిక్షణ సమయంలో అధికారాలను దుర్వినియోగం చేసినట్లు ఆరోపణలు వచ్చాయి.