జగనన్నా ఏందీ పని ?
ఆంధ్రప్రదేశ్‌లో ఆడబిడ్డలు అఘాయిత్యాల పాలవుతోంటే నువ్వేమో లండన్‌లో పొర్లు దండాలు పెట్టించుకుంటున్నావు.
ముఖ్యమంత్రి వైఎస్‌ జగన్‌మోహన్‌రెడ్డి లండన్‌ టూర్‌లో వింతలు విశేషాలు చోటు చేసుకుంటున్నాయి. ఆంధ్రప్రదేశ్‌లో తీవ్ర ఎండలకు తిరిగి ఎన్నికల ప్రచారం చేసిన ముఖ్యమంత్రి వైఎస్‌ జగన్‌మోహన్‌రెడ్డి కాస్త రెస్టు తీసుకునేందుకు, కుమార్తెలతో సరదాగా గడిపేందుకు అందరూ వెళ్లారని అంటున్నారు. అక్కడ అలాంటిదేమీ కనిపించడం లేదు. లండన్‌ నగరంలో రోజుకో ప్రోగ్రామ్‌తో వైఎస్‌ఆర్‌సీపీ నాయకులు కొందరు, ఎన్‌ఆర్‌ఐలు మరి కొందరు అదర గొడుతున్నారు. రెండు రోజుల క్రితం వైఎస్‌ఆర్‌సీపీ ఎన్‌ఆర్‌ఐల ఆధ్వర్యంలో లండన్‌లో ఓ పాట కచేరీ జరిగింది. అందులో జగన్‌ ఎన్నికల ప్రచార పాటలు హోరెత్తాయి. ఏపీలో నవయుగ గాయని మంగ్లీ నేతృత్వంలో పాట కచేరి జరగడం విశేషం. ఈ పాటలు వైఎస్‌ఆర్‌ కాంగ్రెస్‌ పార్టీ, వైఎస్‌ జగన్‌మోహన్‌రెడ్డి గొప్ప తనాన్ని, పొగుడుతూ హోరెత్తించాయి. లండన్‌ వీధుల్లో పలు ప్రాంతాల నుంచి వచ్చిన ఎన్‌ఆర్‌ఐలు తమ కార్లకు వైఎస్‌ఆర్‌సీపీ జెండాలు కట్టి రోడ్లపై ర్యాలీ నిర్వహించారు. ఇదంతా చూస్తే లండన్‌లో వైఎస్‌ఆర్‌సీపీ పోటీ చేస్తుందేమో, అక్కడ ఎన్నికలు జరుగుతున్నాయేమో అనే వాతావరణం కనిపిస్తుంది.