ప్రీలాంచ్ పేరుతో మరో ఘరానా మోసం

స్వంతింటి కల నెరవేరడానికి పైసా పైసా కూడబెట్టి పెట్టుబడులు పెట్టిన వారిని ఓ రియల్ ఎస్టేట్ సంస్థ నిలువునా ముంచేసింది. ప్రీలాంచ్ పేరుతో మరో ఘరానామోసం బయటపడింది. ప్రీలాంచ్ పేరుతో భారతీ బిల్డర్స్ కోట్లాది రూపాయల మోసానికి పాల్పడినట్టు పోలీసులు గుర్తించారు. భారతీ బిల్డర్స్ ఐదేళ్ల క్రితం ప్రాజెక్టును ప్రారంభించినప్పటికీ ఇంతవరకు 25 శాతం కూడా పూర్తి కాలేదు.ప్రాజెక్టు ఎప్పుడు పూర్తవుతుంది అని కస్టమర్లు చెప్పులరిగిలా తిరిగినప్పటికీ ప్రయోజనం లేకుండా పోయింది. కోట్లాది రూపాయలు కస్టమర్ల నుంచి పెట్టుబడుల రూపంలో సేకరించిన భారతీ బిల్డర్స్ చివరకు బోర్డు తిప్పేసింది. భారతీ బిల్డర్స్ ను శ్రీ భారతి ఇండియా ప్రయివేట్ లిమిటెడ్ గా మార్చేసింది. భారతి బిల్డర్స్ ప్రారంభమైనప్పుడు ఉన్న యాజమాన్యం ప్రస్తుతం లేదు. సునీల్ అహుజాకు భారతీ బిల్డర్స్ ను అమ్మేయడంతో కస్టమర్లు సునీల్ అహుజాను అడగడం ప్రారంభించారు. అయితే సునీల్ అహుజా మాత్రం భారతీ బిల్డర్స్ తో తనకు ప్రమేయం లేదని చెబుతున్నాడు. భారతీ బిల్డర్ యాజమాన్యం మొహం చాటేయడంతో కస్టమర్లు ఎవరిని అడగాలో అర్థం కావడం లేదు.