బోరబండలో హిజ్రాల హంగామా

మోనాలిసా గతంలో పద్మ అనే హిజ్రాపై చేయి చేసుకుంది. ఇది తట్టుకోలేకపోయిన పద్మ మోనాలిసాను నిలదీయడానికి మరికొందరు హిజ్రాలతో బోరబండ ఇందిరానగర్ కు చేరుకున్నారు. మోనాలిసాపై చర్యలు తీసుకోవాలని ఆందోళన కారులు బోరబండ బస్టాప్ లో బైఠాయించారు. పెద్ద ఎత్తున నినాదాలు చేశారు. తమ వెంట తెచ్చుకున్న పెట్రోల్ బాటిల్ ను నవ్య అనే హిజ్రా తెరిచింది. అక్కడే ఉన్న మరో హిజ్రా లైటర్ వెలిగించడంతో క్షణాల్లో మంటలు వ్యాపించాయి. అక్కడే ఆందోళన చేస్తున్న హిజ్రాలకు మంటలు అంటుకున్నాయి. పరిస్థితిని అదుపులో చేయడానికి బోరబండ స్టేషన్ హౌజ్ ఆఫిసర్ (ఎస్ హెచ్ ఒ) సురేందర్ అక్కడికి చేరుకున్నారు. ఎస్ హెచ్ ఓ కు గాయాలయ్యాయి. గాయాలపాలైన హిజ్రాలను సమీప ఆస్పత్రిలో చేర్చారు. ఎలాంటి సమాచారం ఇవ్వకుండా ఆందోళన చేసిన హిజ్రాలపై చట్ట ప్రకారం చర్యలు తీసుకుంటామని సురేందర్ తెలిపారు.