రక్తం నీరు కల్సి ప్రవహించలేనప్పుడు పాక్ తో మ్యాచ్ ఎలా?

భారత్ పాక్ మ్యాచ్ నేపథ్యంలో మజ్లిస్ పార్టీ అధ్యక్షుడు అసదుద్దీన్ ఓవైసీ సంచలన వ్యాఖ్యలు చేశారు.పహల్గామ్ దాడి తర్వాత రక్తం నీరు కల్సి ప్రవహించలేవని ప్రకటించిన ప్రధాని మోడీ మ్యాచ్ పై ప్రజలకు జవాబు చెప్పాలని డిమాండ్ చేశారు. అసదుద్దీన్ ఓవైసీ ఆదివారం హైదరాబాద్ లో మీడియా సమావేశంలో మాట్లాడుతూ భారత్ పాక్ క్రికెట్ మ్యాచ్ పై స్పందించారు.మతాన్ని అడిగి పహల్గామ్ లో 26 మందిని పొట్టన బెట్టుకున్నారని, పాక్ తో క్రికెట్ మ్యాచ్ ఆడటానికి అనుమతులు ఎలా ఇచ్చారని ఓవైసీ ప్రశ్నించారు. పాకిస్థాన్ తో అన్ని సంబంధాలు తెంచుకున్నప్పుడు, నీటి ఒప్పందాలు రద్దు చేసుకున్నప్పుడు మ్యాచ్ ఎలా ఆడతారని ఓవైసీ బిజెపి ప్రభుత్వంపై విరుచుకుపడ్డారు. చనిపోయిన దేశ బిడ్డలకంటే డబ్బే ప్రధానమా అని ఓవైసీ ప్రశ్నించారు.