మంత్రి సీతక్క సీరియస్

మంగళవారం రాత్రి జువనైల్ హోం నుంచి ఐదుగురు బాల‌లు సిబ్బంది కళ్లు గప్పిపారిపోయారు. అయితే రెండు రోజుల తర్వాత అంటే గురువారం ఘటన వెలుగులోకి వచ్చింది. దీనిపై ఇవ్వాళ స‌చివాలయంలో మంత్రి అధికారులతో సమీక్షా సమావేశం నిర్వహించారు. జువనైల్ వెల్ఫెర్ అధికారులు నివేదిక స‌మ‌ర్పించారు. జువనైల్ వెల్ఫెర్ శాఖ డిప్యూటీ డైరెక్ట‌ర్ చార్వాక్, అసిస్టెంట్ చీఫ్ ప్రోబేష‌న్ సుప‌ర్వైజ‌ర్ న‌వీన్ ఘ‌ట‌నకు సంబంధించిన మంత్రికి వివ‌రించారు. త‌ప్పించుకుపోయిన ఐదుగురు బాల‌ల్లో ముగ్గురు ఆచూకి ల‌భించింద‌ని వాళ్లు వివరించారు. మిగిలిన ఇద్ద‌రు బాల‌ల‌ ఆచూకి క‌నుక్కునేందుకు పోలీసుల స‌హ‌యం తీసుకుంటున్నామ‌ని మంత్రికి అధికారులు తెలిపారు.