మిస్ వరల్డ్ పోటీల ప్రత్యక్ష ప్రసారం టైమ్స్ స్క్వేర్ స్క్రీన్‌పై...

తెలంగాణ రాష్ట్రంలోని హైటెక్స్ లో శనివారం రాత్రి మిస్ వరల్డ్ కిరీటం కోసం పోటీ పడుతున్న 108 మంది అందాల భామలు ర్యాంప్ వాక్ చేస్తున్నారు.అట్టహాసంగా ప్రారంభమైన మిస్ వరల్డ్ ఫైనల్ ఈవెంట్ ప్రపంచ దేశాలను విశేషంగా ఆకట్టుకుంటోంది. ప్రపంచవ్యాప్తంగా వివిధ దేశాలకు చెందిన 108 మగువలు ఈ పోటీల్లో పాల్గొన్నారు. శనివారం రాత్రి మరి కొద్ది గంటల్లో మిస్ వరల్డ్ ప్రపంచ విజేత ఎవరనేది తేలనుంది. మిస్ వరల్డ్ కిరీటం కోసం ఫైనల్స్ కి చేరినవారు పోటీపడుతున్నారు.20 రోజుల పాటు జరిగిన వివిధ కార్యక్రమాల్లో పాల్గొన్న అందాల భామలు తమ ప్రతిభను చాటటంతో పాటు, తెలంగాణలో ప్రముఖ పర్యాటక, ఆధ్యాత్మిక ప్రాంతాలను సందర్శించారు.మిస్ వరల్డ్ పోటీల ప్రత్యక్ష ప్రసారం న్యూయార్క్ టైమ్స్ స్క్వేర్ స్క్రీన్‌పై ప్రత్యక్ష ప్రసారం చేస్తున్నారు.