Prajavani | ఖతార్‌లో నా భర్త జాడ కనిపెట్టండి ప్లీజ్
ఉపాధి కోసం ఖతార్ దేశానికి వెళ్లిన జగిత్యాల జిల్లావాసి రాజేందర్ జాడ లేకుండా పోయాడు, తన భర్త ఆచూకీ కనిపెట్టాలని అతని భార్య సునీత ప్రజావాణిలో విజ్ఞప్తి చేశారు.
By : The Federal
Update: 2024-11-26 13:23 GMT
ఖతార్ దేశంలో పని చేస్తూ జాడ తెలియకుండా పోయిన తన భర్త రాసూరి రాజేందర్ ఆచూకీ కనిపెట్టాలని అతని భార్య సునీత మంగళవారం హైదరాబాద్ లో ప్రవాసీ ప్రజావాణిలో సీనియర్ ఐఏఎస్ అధికారిణి, ప్రజావాణి నోడల్ ఆఫీసర్ దివ్యా దేవరాజన్ కు విజ్ఞప్తి చేశారు.
- జగిత్యాల జిల్లా గొల్లపల్లి మండలం దట్నూర్ కు చెందిన రాసూరి రాజేందర్ ఖతార్ లో తన ఉద్యోగం పోయిందని,మాల్టా దేశానికి వెళ్ళడానికి రూ.5 లక్షలు కావాలని తల్లిని, భార్యను కోరగా వారు అప్పుజేసి ఇండియా నుంచి ఖతార్ కు సొమ్ము బదిలీ చేశారు. డబ్బు ముట్టిన తర్వారా తన భర్త రాజేందర్ ఫోన్ స్విచాఫ్ చేసుకున్నాడని సునీత ఆవేదనగా చెప్పారు.
- గత ఆరు నెలలుగా తన భర్త రాజేందర్ జాడ తెలియడం లేదని ఖతార్ లో ఉన్నాడా? ఇండియాలో ఉన్నాడా? వెతికి పెట్టాలని సునీత కోరింది. పోలీసుల ద్వారా కేసు నమోదు చేయించి దర్యాప్తు చేయించాలని జగిత్యాల జిల్లా స్త్రీ శిశు సంక్షేమ అధికారి నరేష్ ను ప్రజావాణి నోడల్ ఆఫీసర్ దివ్యా దేవరాజన్ ఆదేశించారు.