బీజాపూర్ ఎన్ కౌంటర్ లో ముగ్గురు మావోయిస్టులు మృతి

చత్తీస్ గడ్ బీజాపూర్ జిల్లాలో బుధవారం జరిగిన ఎన్ కౌంటర్ లో ముగ్గురు మావోయిస్టులు చనిపోయారు.జిల్లాలోని తాళ్ల గూడెం పోలీస్ స్టేషన్ పరిధిలో ఈ ఎన్ కౌంటర్ జరిగింది. అన్నారం – మరిమల అడవుల్లో మావోయిస్టులు తలదాచుకున్నట్లు భధ్రతా బలగాలకు సమాచారం వచ్చింది. కూంబింగ్ చేస్తున్న బలగాలకు మావోయిస్టులు ఎదురు పడ్డారు. భధ్రతాబలగాలపై మావోయిస్టులు కాల్పులు జరిపారు. కొన్ని గంటలపాటు మావోయిస్టులకు, భద్రతాబలగాలకు మధ్య కాల్పులు జరగడంతో ముగ్గురు మావోయిస్టులు నేలకొరిగారు. ఎన్ కౌంటర్ స్థలంలో ఆయుధాలు లభ్యమైనట్టు భధ్రతాబలగాలు పేర్కొన్నాయి. ప్రస్తుతం ఆ ప్రాంతంలో సెర్చ్ ఆపరేషన్ కొనసాగుతుంది.