రాజన్న సిరిసిల్లా లో విషాదం

పాము కాటుకు చిన్నారి బలి అయ్యింది. రాజన్నసిరిసిల్లా జిల్లా చందుర్తి మండలం అశిరెడ్డిపల్లిలో ఈ ఘటన చోటుచేసుకుంది. గ్రామానికి చెందిన చేకుట రమేష్ , లత దంపతులకు ఏడాదిన్నర వేదాన్షి అనే కూతురు ఉంది. గత రాత్రి ఇంట్లో ఆడుకుంటుండగా పెద్దగా చప్పుడు వినిపించింది. వెంటనే కుటుంబ సభ్యులు వెళ్లి చూడగా చిన్నారి కాలి వేళ్ల మధ్యలో నుంచి రక్త స్రావమయ్యింది. వెంటనే కుటుంబ సభ్యులు వేముల వాడలోని ప్రయివేటు ఆస్పత్రికి తరలించారు. పాముకాటువల్ల చిన్నారి పరిస్థితి విషమంగా ఉందని వైద్యులు తెలిపారు. అక్కడి నుంచి అర్దరాత్రి ఎల్లారెడ్డిపేటకు తరలిస్తుండగా చిన్నారి మృతి చెందింది. చిన్నారి తండ్రి రమేష్ ఆరు నెలల క్రితం దుబాయ్ వెళ్లాడు. కూతురు మరణించినట్లు తెలుసుకున్న రమేష్ హుటా హుటిన స్వగ్రామానికి బయలు దేరాడు. చిన్నారి మృత దేహాన్ని ఫ్రీజర్ లో భధ్రపరిచారు. కుటుంబ సభ్యుల ఫిర్యాదు మేరకు పోలీసులు కేసు నమోదు చేసుకుని దర్యాప్తు చేస్తున్నారు.