రైతు సమస్యలపై కేంద్రానికి తుమ్మల లేఖ

రాష్ట్రంలో 3.66 లక్షల ఎకరాల విస్తీర్ణంలో సోయాబీన్ సాగు చేశారని, ఎకరాకు 7.62 క్వింటాళ్ల సగటు దిగుబడి వచ్చిందన్నారు. కాంగ్రెస్ ప్రభుత్వం ఇప్పటివరకు 48,757 మెట్రిక్ టన్నుల మొక్కజొన్న కొనుగోలు చేయడంతో 14,519 మంది రైతులకు లాభం చేకూరిందని తుమ్మల తెలిపారు. కనీస మద్దతు ధర కింద మొత్తం 16.85 లక్షల మెట్రిక్ టన్నుల మొక్కజొన్న కొనుగోలుకు NAFED, NCCF సంస్థలకు అనుమతి ఇవ్వాలని కేంద్రానికి ఆయన విజ్ఞప్తి చేశారు. పత్తి కొనుగోళ్లలో ఎకరాకు 7 క్వింటాళ్ల పరిమితి అనేది రైతులకు తీవ్ర నష్టం చేకూరుస్తుందని, ఆ పరిమితిని ఎత్తివేయాలని ఆయన డిమాండ్ చేశారు. పత్తిలో తేమ శాతం సడలించాలని, ఎకరాకు 11.74 క్వింటాళ్ల దిగుబడి ఆధారంగా కొనుగోలు కొనసాగించాలని కేంద్రానికి ఆయన సూచించారు. పత్తి, మొక్కజొన్న, సోయాబీన్ రైతులకు ఆదుకోవడానికి కేంద్రం తక్షణ చర్యలు తీసుకోవాలని మంత్రి తుమ్మల నాగేశ్వర రావు విజ్ఞప్తి చేశారు.