అప్పాలయచెరువులో కనిపించిన కొత్త కీల్గుంటె వీరగల్లు

అప్పలాయ చెరువులో కనిపించినది ఒక  వీరగల్లు. ఈ వీరగల్లులో ప్రధానవీరుడు అశ్వారూఢుడై (గుర్రం పై కూర్చొని)బూమరాంగ్ వంటి వంపు కత్తి ధరించి వున్నాడు. అతనికి నడి నెత్తిన కొప్పు కత్తి ఉంది. ఇది రాష్ట్రకూటుల కాలం నాటి వీరగల్లనడానికి ఆధారం. అతని కుడిచేయి పక్కన ధ్యానాసనస్థితిలో కూర్చున్నది వీరుని గురువు కావచ్చు. ఎడమ చేతితో గుర్రపు కళ్ళెం పట్టుకున్నాడు ,ఆచేతి మీదుగా కనిపిస్తున్న చెట్టు ఉంది. రెండు ఎద్దులు చెట్టు కొమ్మలను అందుకోవడానికి ఎగురుతున్నాయి. ఆ చెట్టు కొమ్మల మీద రెండు పిట్టలున్నాయి. గుర్రం ముఖానికి ఎదురుగా ఉన్న స్త్రీదేవత తలవెనక పెద్ద ధమ్మిల్లంతో అగుపిస్తున్నది. ఇది కూడా రాష్ట్రకూట శైలే. ఆ దేవత కింద ఇద్దరు వీరులు రాజభటులు కావచ్చు, వేటకుక్కలతో అడివిపందిని వేటాడుతున్నారు.