లెబనాన్ పేజర్ పేలుళ్ల ఉదంతం.. కేరళలో భద్రత పెంచిన పోలీసులు

అయితే రిన్సన్ తమతో చాలా రోజుల వరకూ టచ్ లో లేడని కుటుంబ సభ్యులు ఓ జాతీయ మీడియాకు చెప్పారు. తన కవల సోదరుడు జిన్సన్‌తో కలిసి 10 సంవత్సరాల క్రితం నార్వేకు వలస వచ్చిన రిన్సన్, నార్వేజియన్ పౌరసత్వం పొందాడు. తరువాత బల్గేరియాలో చెందిన నార్టా గ్లోబల్ లిమిటెడ్ స్థాపించాడు. ఈ సంస్థ, అంతర్జాతీయ నివేదికల ప్రకారం, పేజర్లను హిజ్బుల్లాకు విక్రయించడాన్ని సులభతరం చేసింది.

నివేదికలు వెలువడిన తర్వాత, వాయనాడ్ జిల్లాలోని మనంతవాడిలో నివసిస్తున్న జోస్ తల్లిదండ్రుల ఇంటి చుట్టూ వాయనాడ్ పోలీసులు నిఘా పెంచారు. అతని తండ్రి రైతు, టైలర్ గా పని చేస్తూ కుటుంబ పోషణ చేస్తున్నాడు.

ఒక పోలీసు అధికారి జాతీయ మీడియాతో మాట్లాడుతూ.. ఇక్కడ ఎటువంటి కేసు లేదా దర్యాప్తు లేదని చెప్పారు. "మా స్పెషల్ బ్రాంచ్ అధికారులు బ్యాక్‌గ్రౌండ్ చెక్ చేసారు. ఇందులో కొత్తేమీ లేదు. ఇలాంటి వార్తా నివేదికలు వచ్చినప్పుడల్లా ఇలాంటి తనిఖీలు జరుగుతాయి " అని వివరించారు.

నివేదికల నేపథ్యంలో అతని కుటుంబం నివసించే మనంతవాడి సమీపంలోని ప్రాంతంలో "ముందు జాగ్రత్త గస్తీ" ప్రారంభించినట్లు మరో పోలీసు అధికారి తెలిపారు. కుటుంబానికి పోలీసు రక్షణ కోరలేదని చెప్పారు. రిన్సన్ బంధువు మీడియా ద్వారా ఈ సంఘటన గురించి తెలుసుకున్నాడు.

అతని మేనమామ, థంకచన్, " అతను ఇక్కడ వయనాడ్‌లో పెరిగాడు. కేరళతో పాటు పక్క రాష్ట్రాల్లో చదువుకున్నాడు. తన MBA పూర్తి చేసి, 10 సంవత్సరాల క్రితం భారత్ విడిచిపెట్టాడు. అతను ఒక కంపెనీలో చేరడానికి ముందు అతను విదేశాలలో చదువుతున్నాడు.

మాకు తెలిసినంతవరకు, అతను ప్రస్తుతం నార్వేలోని ఒక కంపెనీలో పనిచేస్తున్నాడు." రిన్సన్ చివరిసారిగా గత ఏడాది నవంబర్‌లో కేరళను సందర్శించి జనవరిలో వెళ్లిపోయాడు. అతనితో పాటు నర్సు అయిన అతని భార్య కూడా ఉంది.

" అతను నార్వేలో తన సొంత వ్యాపారం చేస్తున్నాడో లేదో మాకు తెలియదు. అతని భార్య కూడా నార్వేలో పనిచేస్తోంది" అని థంకచన్ మీడియాతో అన్నారు. రిన్సన్ తన గురించిన వార్తాకథనాలు వెలువడడానికి రెండు లేదా మూడు రోజుల ముందు తమకు ఫోన్ చేశారని అతను చెప్పాడు. "అతను ఎటువంటి తప్పు చేయడని మేము 100 శాతం నిశ్చయించుకున్నాము" అని థంకచెన్ చెప్పారు. కుటుంబాన్ని కష్టాల్లోకి నెట్టవద్దని మీడియాకు విజ్ఞప్తి చేశారు.

పేజర్ పేలుళ్లకు సంబంధించి నార్వేజియన్ అధికారులు దర్యాప్తు చేస్తున్న షెల్ కంపెనీకి సంబంధించిన నివేదికల గురించి అడిగినప్పుడు, థంకచన్ స్పందిస్తూ, "క్షమించండి, దాని గురించి నాకు సమాచారం లేదు." రిన్సన్ కుటుంబానికి చెందిన ఒక పొరుగువారు ఇలా అన్నారు, "అతని గురించి లేదా అతని కుటుంబం గురించి చెడుగా చెప్పడానికి ఏమీ లేదు. మాకు, వారి కీర్తి మచ్చలేనిది.

కాగా, రిన్సన్.. అతని కుటుంబానికి రక్షణ కల్పించాలని బిజెపి నాయకుడు సందీప్ జి వారియర్ పిలుపునిచ్చారు. "అతను మన జాతి పుత్రుడు. అతను మలయాళీ. ఏది ఏమైనా రిన్సన్, అతని కుటుంబానికి మేము రక్షణ కల్పించాలి" అని బిజెపి రాష్ట్ర కమిటీ సభ్యుడు వారియర్ ఫేస్‌బుక్ పోస్ట్‌లో పేర్కొన్నారు.