ఆడపిల్ల పుడితే ఖమ్మం కలెక్టర్ తీపి బహుమతి

ఖమ్మం జిల్లాలో ఆడపిలల్ల పుట్టిన ఇంటికి జిల్లా అధికారులు వెళ్లి వారింట్లో మిఠాయి బాక్సు ఇచ్చి శుభాకాంక్షలు చెప్పాలని కలెక్టర్ ముజమ్మిల్ ఖాన్ తాజాగా జిల్లా అధికారులకు ఆదేశాలు జారీ చేశారు. ఆడపిల్ల ఇంటికి లక్ష్మి అని అమ్మాయి పుట్టడం శుభ సూచకమని ప్రజల్లో ప్రచారం చేసేందుకు తాను ఈ పథకాన్ని ప్రారంభించానని ఖమ్మం కలెక్టర్ ముజమ్మిల్ ఖాన్ ‘ఫెడరల్ తెలంగాణ’కు చెప్పారు. వచ్చే వారం నుంచి ఈ గర్ల్ ప్రైడ్ కార్యక్రమం కోసం జిల్లా అధికారుల పర్యటనలను ప్రారంభిస్తామని ఆయన తెలిపారు.

ఆడపిల్ల జన్మించడం ఆ తల్లిదండ్రులకు గర్వకారణంగా భావించేలా కలెక్టరు స్వీట్ బాక్సును అధికారులతో వారి ఇళ్లకు పంపించడానికి చర్యలు తీసుకున్నారు. ’ఆడపిల్ల పుడితే సమాజంలో ఉన్న పక్షపాతం పొటొట్టే సంస్కృతిని పెంపొందించడానికి ఈ కార్యక్రమాన్ని చేపట్టామని కలెక్టర్ ముజమ్మిల్ ఖాన్ చెప్పారు. ఆడపిల్లల ప్రాముఖ్యతను ప్రోత్సహించడంతో పాటు సామాజిక దృక్పథాన్ని మార్చడానికి తాను ఈ కొత్త కార్యక్రమాన్ని అమలు చేస్తున్నానన్నాను. ఖమ్మం కలెక్టరేట్‌లో జరిగిన సమావేశంలో కలెక్టర్ జిల్లా స్థాయి అధికారులకు ఈ కార్యక్రమం యొక్క లక్ష్యాలను వివరించారు.