ఎస్ఎల్బీసీ టన్నెల్ వద్ద సహాయ చర్యలు ముమ్మరం, ప్రధాని మోదీ ఆరా

సహాయక చర్యల కోసం వెంటనే ఎన్డీఆర్ఎఫ్ టీంను పంపిస్తామని ప్రధాని మోదీ సీఎం రేవంత్ రెడ్డికి చెప్పారు.పూర్తిస్థాయి సహకారం అందించేందుకు కేంద్రప్రభుత్వం సిద్ధంగా ఉందని ప్రధాని హామీ ఇచ్చారు.

ఎస్ఎల్బీసీ టన్నెల్ లో జరిగిన ప్రమాదంపై ముఖ్యమంత్రి రేవంత్ రెడ్డి సమీక్షించారు. ఈ సమీక్షలో మంత్రి ఉత్తమ్ కుమార్ రెడ్డి, సాగునీటి పారుదల శాఖ సలహాదారు ఆదిత్యనాథ్ దాస్, సీఎం సలహాదారు వేం నరేందర్ రెడ్డి పాల్గొన్నారు. ఎస్ఎల్బీసీ ప్రమాదం ఘటన, ప్రస్తుత పరిస్థితిపై పూర్తి వివరాలను ముఖ్యమంత్రికి ఉత్తమ్ కుమార్ రెడ్డి వివరించారు. సొరంగంలో చిక్కుకున్న ఎనిమిది మంది కార్మికులను కాపాడేందుకు సహాయక చర్యల్లో మరింత వేగం పెంచాలని సీఎం సూచించారు.

ఈ ప్రమాదంలో చిక్కుకున్న ఆ ఎనిమిది మందిలో ప్రాజెక్ట్ ఇంజినీర్,సైట్ ఇంజినీర్ తో పాటు ఇద్దరు మిషన్ ఆపరేటర్లు, నలుగురు వర్కర్లు ఉన్నారు.ప్రమాదంలో చిక్కుకున్న వారిలో 1.మనోజ్ కుమార్ (ప్రాజెక్ట్ ఇంజినీర్) ఉత్తర ప్రదేశ్, 2. శ్రీనివాస్ (సైట్ ఇంజినీర్) ఉత్తర ప్రదేశ్,3.సందీప్ సాహు (కార్మికుడు)జార్ఖండ్,4.జటాక్స్ (కార్మికుడు)జార్ఖండ్,5.సంతోష్ సాహు (కార్మికుడు)జార్ఖండ్,6. అనూజ్ సాహు (కార్మికుడు)జార్ఖండ్,7.సన్నీ సింగ్ (కార్మికుడు)జమ్మూ కాశ్మీర్,8.గురుప్రీత్ సింగ్ (కార్మికుడు)పంజాబ్ ఉన్నారు. గాయపడినవారికి మెరుగైన వైద్య సాయం అందించాలని సీఎం రేవంత్ రెడ్డి ఆదేశించారు. బాధిత కుటుంబాలకు ప్రభుత్వం అండగా ఉంటుందని సీఎం భరోసా కల్పించారు.

నాగర్‌కర్నూల్​ జిల్లా దోమలపెంట సమీపంలోని ఎస్‌ఎల్‌బీసీ టన్నెల్‌లో జరిగిన ప్రమాద ఘటనపై ప్రధానమంత్రి శ్రీ నరేంద్ర మోదీ గారు ముఖ్యమంత్రి ఎ. రేవంత్ రెడ్డి గారికి ఫోన్ చేసి ఆరా తీశారు. ముఖ్యమంత్రి గారు ఘటనకు సంబంధించిన పూర్తి వివరాలను ప్రధానమంత్రి గారికి తెలియజేశారు.

సొరంగంలో ఎనిమిది… https://t.co/3vWoe1AHux pic.twitter.com/8v9ekpAkiW

— Telangana CMO (@TelanganaCMO) February 22, 2025