రేవంత్ గేట్లు తెరిచారు...బీఆర్ఎస్ నుంచి వలసలు షురూ

వందరోజుల పాటు తాము ప్రజలకు సుపరిపాలన అందించాలనే లక్ష్యంతో ముందుకు సాగామని సీఎం రేవంత్ రెడ్డి చెప్పారు. ప్రభుత్వాన్ని పడగొడతామంటే మేం ఊరుకుంటామా అని రేవంత్ ప్రశ్నించారు. వందరోజుల పాలన తర్వాత పార్లమెంటు ఎన్నికలకు నగారా మోగిందని, పరిపాలనను అధికారులకు అప్పగించి తెలంగాణ కాంగ్రెస్ పార్టీ అధ్యక్షుడిగా అసలు రూపం చూపిస్తానని రేవంత్ చెప్పారు. ఇప్పటి నుంచి తన రాజకీయం ఏమిటో బీఆర్ఎస్, బీజేపీ పార్టీలకు చూపిస్తానని ఆయన హెచ్చరించారు. కాంగ్రెస్‌ ప్రభుత్వ పాలనకు 100 రోజులు పూర్తయిన సందర్భంగా హైదరాబాద్‌లో జరిగిన మీట్ ద మీడియా కార్యక్రమంలో సీఎం రేవంత్ మాట్లాడారు. అసలైన ఆట ఇప్పుడే మొదలెట్టానని కాస్కోండని ప్రతిపక్షాలకు రేవంత్ సవాలు విసిరారు.