తెలుగు సామాజిక న్యాయ చరిత్రలో ‘ఆగస్టు 6’ ప్రాముఖ్యం

-బి ప్రభాకర్ రావు

 మరొక  ఆగస్టు 6  న చుండూరు హత్యాకాండ సాగింది. కారంచేడు నుండి చుండూరు దాకా రక్తం చిందిన ప్రజలకు మద్దతుగా ఒకరిది మాటగా , మరొకరిది పాటగా కలిసి ముందుకు సాగిన చరిత్ర గద్దర్ , కత్తి పద్మారావుది. కాలం గాయాలు మాన్పుతుంది. చరిత్ర ఆ గాయాలను కెలుకుతుంది. గతం మరలిరాదు. దాని గుణపాఠాలు అనుభవాలు , మచ్చలు చరిత్ర దేహం పై దేశం పై నిలిచి పోతాయి. యుద్ధం వీరుల చరిత్రగా ప్రజల చరిత్ర సంకేతించబడుతుంది. 

 గద్దర్ , కత్తి పద్మారావు దశాబ్దాల చరిత్ర పరిణామాలకు ప్రత్యక్ష సాక్షులు. చరిత్రను మలిచిన యోధులు. వీరిద్దరిది అస్పృశ్యుల యుద్ధగాధ. చరిత్రకు చైతన్యం అందించిన అనితర సాధ్యమైన వ్యక్తులు. వ్యక్తిత్వాలు. గద్దర్ రచనలు కోకొల్లలు. ఆశు కవిగా ఎన్ని నుడులను నుండి వాడో ! కత్తి పద్మారావు ఆశు వక్తగా అనర్గళ వక్త. ఈ ఇద్దరూ కలిస్తే ఫూలే , అంబేద్కర్ , కలిసి యుద్ధం చేసినట్టుగా వుంటుంది. వీరిద్దరు కలిస్తే అంబేద్కర్ , పెరియార్ , లోహియా కలిసి ముందుకు సాగినట్టుంటుంది. ఒకరిది తెలంగాణ. మరొకరిది ఆంధ్ర. ఇద్దరూ సామాజిక మార్పుకోసం కదిలి , కదిలించినవారే. శివసాగర్ అనే సత్యమూర్తి తను నమ్మిన వారిచే గాయపడి మలుపు తిరిగి కొత్త చరిత్రలో భాగమయ్యాడు. 

 ఈ ముగ్గురు నడిపిన చరిత్ర లేదా ఈ ముగ్గురిని చరిత్ర తనకు ప్రతినిధులుగా చేసుకుంది. వీరిని ఉత్తరాది నుండి ప్రళయ ఝంకారావంతో ఒక్కటిగా కలిపిన సిద్దాంత దార్శనికుడు , ఉద్యమకారుడు కాశ్మీరాం. ఈ నలుగురివీ నాలుగు రకాల ప్రయాణాలు. నలుదిశలా అంబేద్కర్ భావజాలాన్ని , భారత ప్రజాస్వామ్యం పట్ల , ఓటు హక్కు పట్ల , రాజ్యాంగం పట్ల విశ్వాసం పెంచినవాడు కాన్సీరాం. అంబేద్కర్ కాన్సీరాం రూపంలో ఈ సమాజం వైతాళికులు ను ఒకే మార్గంలోకి మలిచిన చారిత్రక శక్తి కాన్సీరాం. బి ఎస్ రాములు ఈ నలుగురిలోని ఏక సూత్రతను వెలికి తీసాడు. సూత్రీకరించాడు. సిద్ధాంతీకరించాడు. తాత్వీకరించాడు. సామాజిక తాత్విక , సాహిత్య ఉద్యమంగా ఒకే బాటగా సమన్వయం సాధించాడు. చరిత్రను , సామాజిక సాహిత్య చరిత్రను మలుపు తిప్పాడు.

 అలా వీరి నినాదాలు , పాటలు , మాటలు , తాత్విక సూత్రాలు జలపాత సదృశ వేగం నుండి విస్తరించి తథాగతుడు బుద్దుడి బోధనలతో బుద్ధుని బాటలో , ఆధునిక బోధిసత్వుడు అంబేద్కర్ తీర్చిదిద్దిన భారత రాజ్యాంగం వెలుగులో ప్రజల చరిత్రను మలుపు తిప్పారు. అదంతా కాలం మహిమ. కాలం కడుపుతో వుండి వీరిని కన్నది. కాలం తనకు తాను వారిని సృష్టించుకున్నది. కంచ ఐలయ్య , ఉ. సాంబశివరావు , మారోజు వీరన్న , ఒక మహా ప్రవాహంగా ముందుకు సాగడం ఈ యుగధర్మం కాక మరేమిటి ? అందుకే ఈ యుగం మాది అన్నాడు కత్తి పద్మారావు. గద్దర్ , కత్తి పద్మారావు , బి ఎస్ రాములు , కంచ ఐలయ్య ,  కె.ఎస్. చలం సమకాలీన అంశాలపై వెంటది వెంట సంశ్లేషిస్తూ తాత్వీకరిస్తూ కవిత్వీకరిస్తూ దారి చూపుతున్న , దారి వేస్తున్న మహా మేధావులు. 

దార్శనికుడు. ఆధునిక సమస్యలకు భారత రాజ్యాంగం , బౌద్ధం , అంబేద్కరిజం ఎలా పరిష్కారం చూపుతుందో అన్వయించి విశ్లేషిస్తున్న భాష్యకారులు వీరు. వీరు సంఘసంస్కర్తలు. సామాజిక విప్లవకారులు. వీరి అధ్యయనం అపారం. వీరు అనితర సాధ్యులు. వీరు బాట వేస్తారు. అది రాజమార్గమౌతుంది. కత్తి పద్మారావు సాంస్కృతిక విప్లవం ప్రత్యేకమైనది. కుల నిర్మూలన సాంస్కృతిక ఉద్యమానికి ప్రతీకగా వందలాది కులాంతర వివాహాలు జరిపించాడు కత్తి పద్మారావు. తన కుటుంబాన్ని అలా కులాంతర వివాహాలతో ఆదర్శంగా నిలిపాడు.

జ్కకాన్షీరాంగారు 23 సార్లు తెలుగునాట పర్యటిస్తే 17 సార్లు వెంట నడిచి బహుజన భావధారను ప్రవాహశీలంగా ప్రసంగించాడు కత్తి పద్మారావు. భారతీయ చారిత్రక , తాత్విక , సాంస్కృతిక మూలాలు ఎరిగిన కత్తి పద్మారావు ఆచరణ. అధ్యయనంతో అంతశ్చేతనలో సైతం అవే నిండి ఏది మాట్లాడినా తత్వం , సంస్కృతి , చరిత్ర ఫ్రత్యామ్నాయ రాజకీయాలు నూతన సమాజ నిర్మాణమే సాక్షాత్కార వుతుంది. కాశ్మీరాం , కంచ ఐలయ్య , కత్తి పద్మారావు , శివసాగర్ , బి ఎస్ రాములు , బైరి నరేశ్ , కె.ఎస్. చలం వైదిక ఆర్యులను నిలదీసినా చార్వాకులు , లోకాయతులు , బుద్ధుడు , బౌద్ధం పంచశీల , కులాతీత సమాజ పునర్నిర్మాణం చేపట్టినా అవన్నీ భావి సమాజ దర్శనంలోభాగమే